Jeremia 24:7 - Tshwa Bible

⁷ Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 24:7 Mawu Ofanana

2 Kronekele 6:38

loku va tlhelela ka wena hi timbilu tabye tontlhe, ni mihefemulo yabye yontlhe, na va hi kwaleyo tikweni ga wukhumbi gabye; loku va khongela na va cuwukile a tlhelo ga tiko legi u nyikileko vararu vabye, ni muti lowu u wu hlawuleko, ni tlhelo ga yindlu leyi nzi yi akeleko vito ga wena,

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 30:22

Nwina mu tava vanhu va mina, Na mina nzi tava Nungungulu wa nwina.

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Ezekieli 11:17

Hikwalaho u taku: Hosi Jehova i ngalo: Nzi ta mu hlengeletela hi ka matiko lawa mu nga hangalaswa ka wona, nzi ta mu nyika a tiko ga ka Israeli.

Ezekieli 14:11

kasi a yindlu ya ka Israeli yi nga ha ti tsawukanisi na mina, hambu a ku ti nyenyezisa kambe hi zihambunyeto zabye zontlhe. Kanilezi va ta kuva a vanhu va mina, na mina nzi tava Nungungulu wabye, ku wula Hosi Jehova.

Ezekieli 16:62

Nzi ta tiyisa a xivumelwano xa mina na wena, zonake u ta zi tiva lezaku hi mina Jehova,

Ezekieli 37:23

Va nga ta ha ti nyenyezisa hi zifananiso zabye, hambu hi manyalataniso yabye, ge hambu hi zihambunyeto zabye. Kanilezi nzi ta va ponisa wuakelweni gabye gontlhe legi va onhileko ka gona, nzi va basisa. Zonake va tava vanhu va mina, mina nziva Nungungulu wabye.

Ezekieli 37:27

Ni wuakelo ga mina gi tava xikari kabye; nzi tava Nungungulu wabye, na vona va tava vanhu va mina. Levi 26:11; 2 Kor. 6:16; Kuv. 21:3

Ezekieli 39:22

Zinghaho a yindlu ya ka Israeli yi ta zi tiva lezaku hi mina Jehova a Nungungulu wabye, kusukela lego siku kuya mahlweni.

Hosea 2:22

Zonake a misava yi ta hlamula a mavele, ni vinya, ni mafura, na zonawu zi ta hlamula Jezreeli.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Zakaria 8:8

Nzi ta va wuyisa, va ta tshama xikari ka Jerusalema; va tava vanhu va mina, mina nzi maha Nungungulu wabye, hi zinene ni kululama.

Va le Roma 6:17

A ku bongiwe Nungungulu, hakuva hambu lezi mu nga hi malanza ya kuonha, mu zi kotile a ku ingisa a gonzisela legi mu nga nyikiwa gona.

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8