Jeremia 24:10 - Tshwa Bible

¹⁰ Nzi ta va rumela supado, ni ndlala, ni ntungu, kala vaku bhi a tikweni legi nzi nyikileko vona ni ka vararu vabye.

Jeremia 24:10 Mawu Ofanana

1 Tihosi 14:15

Jehova i ta hlasela va ka Israeli khwatsi lihlanga li tsekatsekiswako lomu matini, a susa va ka Israeli tikweni legi go saseka a gi nyikileko vararu vabye; i ta va hangalasa le tlhatukweni wa congo, hakuva vona va ti mahele zifananiso za Axtarte, va zangarisa Jehova.

Isaya 51:19

A makhombo mambiri ma ku wela, himani a ku zwelako wusiwana ke? A kuhahlulwa, ni ku lobyiswa, ni ndlala, ni supado, Nzi ta ku chavelelisa kuyini?

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 15:2

Loku va ku wutisa, vaku: Xana hi taya kwihi ke? U ta va hlamula, uku: Jehova i ngalo: Lava va yimiselweko kufa, va taya kufeni; lava va yimiselweko supado, va taya supadweni: lava va yimiselweko ndlala, va taya ndlaleni; ni lava va yimiselweko a wukhumbi, va taya wukhumbini.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 21:9

Loyi a to sala ka muti lowu i tafa hi supado, ni ndlala, ni ntungu; kanilezi loyi a to huma handle, aya ti nyikela ka maKaldea, lava va mu vimbezeleko, i ta hanya; a wutomi gakwe i ta gi wutla kukotisa muphango.

Jeremia 27:8

A tiko kutani mufumo lowu wu to kala ku khoza ka Nebukadnezzare, hosi ya Babuloni, va ta nga ala ku veka tinhamu tabye hasi ka muyoka wa hosi ya Babuloni, nzi taba a tiko lego hi supado, ni ndlala, ni ntungu, ku wula Jehova, kala nziku gi bhi hi woko gakwe.

Jeremia 29:17

Jehova wa tiyimpi i ngalo: Nzi ta va rumela supado, ni ndlala, ni ntungu, nzi ta va maha kota makuwu yo biha, ma nga zi kotiko ku giwa hi kota ya kubiha ka wona.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 32:24

Hi nga wona a tigingisi va vimbezeleko muti ha tona kasi ku wu teka; a muti wu nyikelwe mandleni ya maKaldea lava va lwako nawo, hi kota ya tisupado ni ndlala ni ntungu. Lezi u nga zi wula za tatiseka, wa zi wona.

Jeremia 32:25

Hosi Nungungulu, hambu zi hi tano, u wa te ngalo ka mina: Ti xavele a simu legi, u va ni timboni, kasi lezo a muti wu nyikilwe mandleni ya maKaldea.

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Jeremia 42:17

A vanhu vontlhe lava va phikako vaya Gipite a ku ya luvela kona va ta dawa hi supado ni ndlala ni ntungu. A nga kona ni munwe wabye a ta nga pona a hlokiselelo lowu nzi ta nga va nehela.

Jeremia 42:22

Hikwalaho zi tiveni khwatsi lezaku mu ta dawa hi supado, ni ndlala ni ntungu, a wutshanwini legi mu lavako ku ya luvela ka gona.

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 9:15

hikwalaho, ku wula Jehova wa tiyimpi, a Nungungulu wa Israeli, aku: Nzi ta va gisa manonwe ni ku va nwisa wutsulu.

Jeremia 9:16

Nzi ta va hangalasa xikari ka matiko lawo vona wutsumbu hambu a vararu vabye va nga ma tivangiko, nzi ta rumela supado, kala nzi va hetisa. Levi 23:23; Deut. 28:64

Ezekieli 33:27

U ta wula ka vona, uku: Hosi Jehova i ngalo: Nza hlambanya hi kuhanya ka mina, hizinene lava va akileko lomu marumbini va ta dawa hi supado, ni loye a nga lomu koveni nzi ta mu nyikela a khadamulwa hi zivanza, ni lava va nga lomu makhokholeni ni lomu timhakweni, va tafa hi ntungu.

Ezekieli 6:11

Hosi Jehova i ngalo: Phakatela mandla, u ganyetela hi mikonzo ya wena, uku: Ehe! hi kota ya manyalataniso wontihe ya yindlu ya ka Israeli; hakuva va tafa hi supado, ni ndlala, ni ntungu.

Ezekieli 7:15

Lehandle ku na ni supado, lomu mutini ku na ni ntungu ni ndlala. Loyi a nga le masinwini i ta dawa hi supado, loyi a nga lomu mutini i ta lova hi ndlala ni ntungu.

Deuteronome 28:21

Jehova i ta ku maha u namarelwa hi tinghumbe, kala u lobyiswa lomu ka misava leyi u ta nga ya enghena ka yona u yi fumela.

Kuvululelwa 6:8

Nzi lo cuwuka nzi wona a haxi go balala; ni loyi a nga gi khilele a vito gakwe i wa hi Kufa, a wutshamu ga vafileko gi lo mu lanzela. Va lo nyikwa ntamu hehla ka xipanze xa wumune xa misava, kasi ku daya hi supado, ni ndlala, ni ntungu, ni zihari za misava! Levi 26:22; Ezek. 14:21; Zak. 6:3