Jeremia 23:27 - Tshwa Bible

²⁷ Na va alakanya lezaku va ta maha vanhu va mina va rivakelwa hi vito ga mina hi kota ya miloro yabye, leyi munwe ni munwani a byelako a muakelwane, kotisa lezi a vakoko vabye va nga rivala a vito ga mina hi kota ya Baali. Vala. 3:7; 8:33

Jeremia 23:27 Mawu Ofanana

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Mitiro 13:8

Kanilezi Elima, (kutani Mungoma, hakuva a vito gakwe gi wula lezo,) i lo va vukela, na a xuva ku hambukisa a hosana kukholweni.

Deuteronome 8:11

Ti wonele ku nga taku u rivala Jehova Nungungulu wa wena, u tsika ku hlayisa milayo yakwe ni timhaka takwe ni zileletelo zakwe, lezi nzi ku leletelako nyamutlha.

Deuteronome 8:14

a mbilu ya wena yi nga ti kukumukisi, u rivala Jehova Nungungulu wa wena, loyi a ku humesileko tikweni ga le Gipite, lomu ndlwini ya wukhumbi,

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

Valamuli 3:7

A va ka Israeli va lo maha kubiha mahlweni ka Jehova, va rivala Jehova Nungungulu wabye, va khozela maBaali na Axtarte.