Jeremia 23:25 - Tshwa Bible

²⁵ Nzi zwile lezi a vaprofeti va zi wulako, lava va profetako mawunwa hi vito ga mina, vaku: Nzi lorile, nzi lorile!

Jeremia 23:25 Mawu Ofanana

Genesisi 37:5

Josefa i lo lora a noro a byela a vanakulobye, vona va lo mu venga nguvu.

Genesisi 37:9

Zonake i lo lora munwani noro, i lo engeta a byela vanakulobye, aku: Nzi lorile munwani noro kambe; nzi lorile na nzi wona a gambo ni hweti ni tinyeleti ta khume ni yinwe na zi nzi khizamela.

Tisimu 139:2

Wa tiva kutshama ka mina ni kusuka ka mina; U tiva maalakanyo ya mina na u hi kule. Mat. 9:4

Tisimu 139:4

Hakuva a gezu na gi nga seva lirimini la mina, Jehova kale na u gi tivile.

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Jeremia 23:28

A muprofeti loyi a nga ni noro, a wu hlawute; kanilezi loyi a nga ni mhaka ya mina, ngha a kanela yona hi kutsumbeka. Hikuyini mu patsako a mungu ni mavele ke? ku wula Jehova.

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 27:10

Hakuva mawunwa va profetako ka nwina, kasi ku mu maha mu huma tikweni ga nwina mu yiswa kule; kasi nza fela ku mu hlongola, mu ya lova.

Jeremia 27:15

Hakuva a nzi va rumangi, ku wula Jehova, vo profeta mawunwa hi vito ga mina, kasi mina nzi fela ku mu papaxela, mu lova, nwina ni vaprofeti lava va mu profetelako.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Jeremia 8:6

Nzi riyile ndleve, nzi ingisa, Kanilezi a va wuli zinene; A nga kona a hunzulukako kubiheni kakwe, Aku: Xini nzi xi mahileko? Vontlhe va tsutsuma kota mahaxi ma hatliselako kulweni,

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Ezekieli 22:28

A vaprofeti va kona va ti tota hi mhemba, va wona miwoniso ya hava, va ti vumbela mawunwa, vaku: Ku wula Hosi Jehova, kasi lezo Jehova a nga wulangi nchumu.

Joeli 2:28

Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6

Zakaria 13:3

Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Luka 12:3

Hikwalaho zontlhe lezi mu zi wulawulileko munyameni zi ta zwiwa kuwonekeleni; ni lezi mu zi hlevele-neko zipetsweni za lomo xikari ka tiyindlu, zi ta biwa hungu zixungweni za tiyindlu.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6