Jeremia 23:24 - Tshwa Bible

²⁴ Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Jeremia 23:24 Mawu Ofanana

Genesisi 16:13

Zonake i lo chula a vito ga Jehova loyi a wulawulileko naye aku Nungungulu loyi a Wonako; hakuva i te ngalo: Hakunene nzi wonile loyi a nzi wonako ke?

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

2 Kronekele 2:6

Kanilezi himani a nga ni ntamu wa ku mu akela a yindlu ke? Hakuva hambu a tilo ni tilo ga matilo a ma zi koti ku mu enela. Makunu mina nza kuva mani wo kala nzi mu akela a yindlu, loku yi nga hi ya ku hisela ka yona libani mahlweni kakwe ke? Isa. 66:1; Jer. 23:24; Miti. 7:48

2 Kronekele 6:18

Kona Nungungulu hakunene a nga aka ni vanhu laha misaveni ke? Languta, a tilo, ni tilo ga matilo a ma ku ringani; ku ta kuyini ka yindlwana levi nzi yi akileko ke? Joba 11:7; Isa. 66:1; Miti. 17:24

Joba 34:21

Hakuva a mahlo yakwe ma languta a tindlela ta vanhu, A wona wontihe mafambela yabye.

Joba 34:22

A ku na munyama, a ku na nzhuti wa kufa, Laha a vagohi va ta nga fihlala kona.

Tisimu 10:11

I wula mbilwini yakwe, aku: Nungungulu i rivakelwe, I fihlile a nghohe yakwe, cima a nga ta zi wona.

Tisimu 139:7

Nzi ngaya kwihi kasi kuva kule ni moya wa wena, Nzi nga tsutsumela kwihi kasi kuva kule ni nghohe ya wena ke?

Tisimu 139:8

Loku nzi kanziha tilweni, laho u kona, Ni loku nzi etlela Xeole, u kona lomo kambe. Joba 22:12; 26:6; Am. 9:2

Tisimu 148:13

A va dumise a vito ga Jehova, Hakuva hi vito gakwe goce gi tlakukileko; A wuhosi gakwe gi tlakukile ku hunza misava ni tilo. Isa. 12:4

Tisimu 90:8

U vekile a zigoho za hina mahlweni ka wena, Ni zionho za hina leʼzi fihlilweko zi le kuwonekeleni ka nghohe ya wena. Jer. 16:17; 1 Kor. 4:5

Mavingu 15:3

A mahlo ya Jehova ma wona matshamu wontihe; a cuwuka laʼvo biha ni va kululama.

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Jeremia 49:10

Hakuva mina nzi runzuwulele Esau, nzi funungule a wuchavelo gakwe, a nga ta ha zi kota ku fihlala. A vana vakwe va lobyisilwe, ni vanakulobye, ni vaakelane vakwe, a nga ha hi kona.

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Va le Efesusi 1:23

legi gi nga miri wakwe, legi gi teleko hi yena loyi a tatisako zontlhe ka vontlhe. Joh. 1:14, 16; Rom. 12:5; 1 Kor. 12:6; Kol. 3:11

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.