Jeremia 23:12 - Tshwa Bible

¹² Hikwalaho a ndlela yabye yi tava ni matshamu ma retemukako munyameni, Va ta susumetiwa va wela kona. Nzi ta va nehela khombo a ka lembe ga kubiwa kabye, ku wu la Jehova.

Jeremia 23:12 Mawu Ofanana

Joba 18:18

I ta humeswa kuwonekeleni aya munyameni; A hlongolwa misaveni yontlhe.

Tisimu 35:6

Ngha a ndlela yabye yi phuma yi retemuka; A va hlongoliswe hi ngelosi ya Jehova. Jox. 10:10; Tis. 69:23

Tisimu 73:18

Hizinene, u va veka matshanwini ya kuretemuka; U va hoxa hasi kulobyisweni.

Tisimu 82:5

Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Mavingu 4:19

A ndlela ya vaonhi yi fana ni munyama, va xi tivi lexi xi va khubekisako.

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Jeremia 11:23

Ku nga ta sala ni munwe wabye; hakuva nzi ta neha khombo hehla ka vanhu va le Anatoti, hi lembe ga kutsayiswa kabye.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 48:44

Loyi a tsutsumako hi kota ya hlenekera i ta wela rinzini; loyi a humako rinzini i ta phasiwa ziyweni. Hakuva Moabi nzi ta mu nehela a lembe ga kutsayiswa, ku wula Jehova.

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Mikosi 2:20

Jehova, languta loyi u mu maheleko a zakunghahi! A vavasati va taga a mbhanzu wabye, a vanana lava va va wukareleko mawokweni yabye ke? A vapristi ni vaprofeti va nga dawa lomu wutshanwini ga kubasa ga Hosi ke? Levi 26:29; Deut. 28:53

Mika 7:4

A wa nene wa kona ka yontlhe i fanana ni xigetlwani, ni leyi a hunzeleleko kululama i fanana ni khuhu ga mizwa, Gi tshinele a siku ga tsayiselelo wa wena, legi gi wulilweko hi varinzeli va wena, makunu ku tava ni vilinganya.

Johani 12:35

Jesu aku ngalo kabye: A kuwonekela ka ha hi na nwina a xikhatanyana. Fambani na ma ha hi ni kuwonekela, kasi a munyama wu nga mu kamanyeti. Loyi a fambako munyameni a nga ku tivi laha a yako kona. Jer. 13:16; Xip. 1:9; 11:10

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

1 Johani 2:11

Kanilezi loyi a vengako makabye wakwe i le munyameni, i famba munyameni, a nga ku tivi laha a yako kona, hakuva a munyama wu dele a mahlo yakwe. Joh. 12:35

Juda 1:13

va hi mabyandlati ma gobhozako ya bimbi, lawa ma pupumako a khuvi ga tingana tabye; va hi tinyeleti ti nzulanzulako, leti ti vekelweko a munyama wo tshisa kala kupinzuka. Isa. 57:20; 2 Ped. 2:17