Jeremia 21:9 - Tshwa Bible

⁹ Loyi a to sala ka muti lowu i tafa hi supado, ni ndlala, ni ntungu; kanilezi loyi a to huma handle, aya ti nyikela ka maKaldea, lava va mu vimbezeleko, i ta hanya; a wutomi gakwe i ta gi wutla kukotisa muphango.

Jeremia 21:9 Mawu Ofanana

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 24:10

Nzi ta va rumela supado, ni ndlala, ni ntungu, kala vaku bhi a tikweni legi nzi nyikileko vona ni ka vararu vabye.

Jeremia 27:11

Kanilezi a tiko legi gi to vumela a muyoka wa hosi ya Babuloni, gi yi tirela, nzi ta gi tsika tikweni ga gona, ku wula Jehova, va ta gi rima ni ku ti akela lomo.

Jeremia 27:12

A twaleto timhaka nzi ti wulile ka Zedekia, hosi ya ka Juda, nziku: Enghenisani a tinhamu ta nwina lomu ka muyoka wa hosi ya Babuloni; mu ta hanya loku mu yi tirela ni vanhu va yona.

Jeremia 27:13

Wena ni vanhu va wena, hikuyini mu ta ngafa hi supado ni ndlala ni ntungu, kota lezi Jehova a wulileko hi ka tiko legi gi to kala ku khoza ka hosi ya Babuloni ke?

Jeremia 38:2

Jehova i ngalo: Loyi a to sala mutini lowu i tafa hi supado, ni ndlala ni ntungu; kanilezi loyi a to pfowolela ka maKaldea i ta hanya, i taku khwatsi o wutla a wutomi gakwe a hanya.

Jeremia 38:3

Jehova i ngalo: A muti lowu futsi wu ta nyiketwa a canjeni ga yimpi ya hosi ya Babuloni, yena i ta wu khozisa.

Jeremia 39:18

Futsi nzi ta ku hlanguta, u nga ta dawa hi supado; kanilezi a wutomi ga wena u ta gi wutla kukotisa muphango, hakuva u nzi tsumbile, ku wula Jehova.

Jeremia 45:5

Xana u ti lavela a zilo za hombe ke? U nga zi lavi, hakuva nzi ta neha makhombo hehla ka nyama yontlhe, ku wula Jehova. Kanilezi a wutomi ga wena nzi ta ku nyika giku khwatsi muphango matshanwini wontihe lawa u ta ngaya ka wona.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.