Jeremia 20:9 - Tshwa Bible

⁹ Loku nziku: Nzi nga ta ha mu kumbuka, Hambu ku xuxa vitweni gakwe; Zonake ku kona a mbilwini ya mina a ku fanana ni nzilo wu vurako, Na wu valelwe lomu marambyini ya mina, Nzi rerekile hi ku ti khoma, a nza ha zi koti.

Jeremia 20:9 Mawu Ofanana

Tisimu 39:3

A mbilu ya mina yi wo hisa nzeni ka mina, Laha nzi nga ehleketa ku lo vutsuka a nzilo; A lirimi la mina li wula liku:

Jeremia 23:29

Xana a mhaka ya mina a yi koti nzilo ke? ku wula Jehova; a yi fani ni hamela leyi yi panzako maribye ke? Maheb. 4:12

Jeremia 23:9

Xungetano ni vaprofeti. A mbilu ya mina yi panzekile, A marambu ya mina wontihe ma gutlagutla; Nzi kotisa munhu loyi a popilweko, Ni loyi a dakilweko hi vinya, Hi kota ya Jehova ni timhaka takwe to basa.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Ezekieli 3:3

Aku ka mina: Nʼwana wa munhu, gisa a rumbu ga wena, u xurisa marambu ya wena hi bhuku legi nzi ku nyikako. Nzi lo giga; gi wa tsombela nonwini wa mina ku fanana ni wulombe.

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Jona 1:2

Suka, uya Niniva, a mutini lowu wa hombe, u ya wu kanelela, hakuva a kubiha ka wona ku chikele mahlweni ka mina. Gen. 10:11; 18:20

Jona 1:3

Kanilezi Jona i lo suka a tsutsuma aya Tarxixi, kule ni nghohe ya Jehova. I lo relela le Joppa, a ya kuma a taru gi nga lava kuya Tarxixi; i lo rihela a pfhumba gakwe, a enghena tarwini, kasi kuya zinwe navo le Tarxixi, a suka mahlweni ka Jehova.

Luka 9:62

Jesu aku ngalo kakwe: A munhu loyi a khomako xikomu a kuya kurimeni, a tlhela a cuwuka lenzhako, a nga fanelwi hi mufumo wa Nungungulu.

Mitiro 17:16

Paule na a ha va rinzela le Atensi, a moya wakwe wu lo zangariswa nzeni kakwe hi ku wona muti na wu tele hi zifananiso za vanungungulu. Tis. 119:158; 2 Ped. 2:8

Mitiro 18:5

Laha Silasi na Timote va nga chikele vata hi le Makedonia, Paule i wa ti nyikela ku kanela mhaka, a kustumunya ka vaJuda lezaku Jesu hi Kristu. Xip. 17:14; Joba 32:18

Mitiro 4:20

hakuva a hi zi koti ku miyela ni lezi hi zi wonileko, ni lezi hi zi zwileko. Xip. 1:8; 2:32; 22:15; 1 Joh. 1:1