Jeremia 20:16 - Tshwa Bible

¹⁶ A munhu loye ngha a fanana ni miti Leyo Jehova a yi hahlulako na a nga yi tsetsi. Ngha yena azwa tihuwa laha mixweni, Ni huwa ya yimpi laha hlikanhini; Gen. 19:24; Lu. 17:29; Juda 7

Jeremia 20:16 Mawu Ofanana

Jeremia 18:22

A tihuwa a ti zwale tindlwini tabye Gona siku u nehako a ntlawa wa vaphangi kabye hi xitshuketi; Hakuva va kelile a rinzi go nzi hojometa kona. Ni ku dembela mithlamu mikonzweni ya mina.

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Jeremia 26:13

Hikwalaho sasisani makunu a mahanyela ya nwina ni zimaho za nwina, mu ingisa a gezu ga Jehova a Nungungulu wa nwina, zonake Jehova i ta hunzuluka ka khombo legi a gi wulileko ha nwina.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Mikosi 4:6

Hakuva a xionho xa nhanyana wa tiko ga mina xa hombe ku hunza xionho xa Sodoma, Loyi a nga lobyiswa hi xitshuketi, na a nga tlhatekiwangi mandla ya munhu.

Ezekieli 21:22

Canjeni gakwe ga xinene i na ni hlolo yi kombako Jerusalema, lezaku ku vekiwa makina yo bhoxa ligingisi la muti, ku biwa tihuwa kuhlaseleni, lezaku ku yimiswa makina yo bhoxa tinyangwa, ni ku akiwa tinhulu ni makhokhola.

Hosea 10:14

Ku ta huma pfilupfilu xikari ka vanhu va wena, a makhokhola ya wena wontihe ma ta khungumulwa, kota lezi Xalmani a nga khungumula Bet-arbeli hi siku ga kulwa, laha a vamamani va nga pswandlaswa zinwe ni vanana.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Amosi 2:2

Kanilezi nzi ta rumela a nzilo hehla ka Moabi, wu ta hisa a ziluvelo za le Keriote. Zonake Moabi i ta lova na ku hi ni pfilupfilu ni tihuwa ni kuvuma ka mpunzu.

Amosi 4:11

Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Jona 3:4

Jona i lo enghena mutini a famba pfhuka wa siku ginwe, a kanela, aku: Ka ha sele 40 wa masiku, zonake Niniva i ta hahlulwa.

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Zefania 1:16

I siku ga mpunzu ni nyandayeyo zi vukelako a miti yi bhiyelweko ni makhokhola ma tlakukileko.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Luka 17:29

Kanilezi sikwini lego Loti a nga huma ha gona Sodoma, ku lona a nzilo ni solufa hi le tilweni, zi va lovisa vontlhe.

Deuteronome 29:22

Zonake a zizukulwana za nwina lezi zi ta ngava kona anzhako ka nwina, ni vamatiko lava va ta ngata hi le matikweni ya le kule, laha va ta nga ta wona a zixaniso ni makhombo lawo Jehova a ta nga xanisa tiko lego ha wona,

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.