Jeremia 2:8 - Tshwa Bible

⁸ A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 2:8 Mawu Ofanana

1 Tihosi 18:22

Elija i te ngalo ka vanhu: Hi mina nzoce nzi seleko a muprofeti wa Jehova, kasi a vaprofeti va Baali i 450 wa vona.

1 Tihosi 18:29

Va lo simama va maha lezo kala ku hunza hlikanhi ku ya chikela xikhatini xa muphahlelo wa gambo; kanilezi cima a va zwangi gezu, ne ni ku kuma hlamulo, hambu ku wona nchumu. Ekso. 29:39; Mitse. 28:3

1 Tihosi 18:40

Zonake Elija i te ngalo kabye: Khomani vaprofeti va Baali, ku nga poni ni munwe! Va lo va khoma. Zonake Elija i lo relela navo le xicongwaneni xa Kixoni, a ya va daya leyo. Deut. 11:5; 18:20

Joba 35:10

Kanilezi a nga kona a wulako, aku: I kwihi Nungungulu, a Mumahi wa mina, Loyi a nyikako a zizimba wusikwini;

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 30:5

Vontlhe va tava ni tingana hi vanhu va nga hiko na ntamu a ku va vuna, Va nga hiko na xivuno ni bhinzu, Kanilezi va tava tingana ni xisolo ntsena.

Jeremia 10:21

Hakuva a varisi va hungukile, A va hlotangi Jehova; Hikwalaho a va humelelangi, Yontlhe a mitlhambi yabye yi hangalakile.

Jeremia 12:10

A varisi vo tala va gohetele a xi vina xa mina, Va kanzihele a simu ga mina; A simu ga mina go saseka va gi mahile xiwula.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 7:8

Kanilezi nwina mu tsumba a timhaka ta mawunwa ti nga mu vuniko nchumu.

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Ezekieli 22:26

A vaprofeti va gona va tlulile a nayo wa mina, va nyenyezisa a zilo za mina za kubasa. A va hambanyisi xikari ka leʼzo basa ni za nyalidede, ge hambu ku tivisa a vanhu a kuhambana ku nga xikari ka zilo zi basileko ni lezi zi nga basangiko. Va tsimba mahlo yabye kasi va nga woni a masabado ya mina, zonake nzi nyenyeziswa xikari kabye. Levi 10:10; Jer. 2:8; Zef. 3:4

Ezekieli 34:2

Nʼwana wa munhu, profetela a varisi va ka Israeli, uku: Hosi Jehova i ngalo: Yowe, a varisi va ka Israeli, lava va gisako wutsumbu gabye! kasi a varisi a va faneli ku gisa a tiyivu ke?

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Luka 11:52

Khombo a give ka nwina, vagonzisi va nayo; hakuva mu susile a pfhungulo ya wutivi; nwina wutsumbu a mu enghenangi, ni lava va nga kari va enghena mu va tsimbetelo. Mat. 23:13

Johani 16:3

Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

Deuteronome 33:10

Vona va gonzisa Jakobe a zileletelo za wena, Ni nayo wa wena ka Israeli. Vona va vekela a libani lomu tinhovini ta wena, Ni minyikelo yo hiswa alatini ga wena.

1 Samueli 12:21

Mu nga dzuki mu hambuka, mu lanzela a zilo zi nga nyawuliko, lezi zi nga vuniko nchumu, ni lezi zi nga ponisiko, hakuva zilo zi nga nyawuliko.

1 Samueli 2:12

A vana va Eli va wa hi vavanuna vo biha. Va wa nga mu tivi Jehova.