Jeremia 2:6 - Tshwa Bible

⁶ A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 2:6 Mawu Ofanana

2 Tihosi 2:14

I lo teka a nguwo ya Elija, leyi a nga wa yi siyile, aba ha yona a mati, aku: I kwihi Jehova Nungungulu wa Elija? Zalezo yenawu i loba a mati, ma si avanyeka maya seno ni seno; Elixa a tlhatuka.

Joba 3:5

A gi labyiwe hi munyama ni nzhuti wa kufa, Ngha a refu gi gi khubhunyeta, A gi dzukiswe hi zontlhe leʼzi nga phumisako hlikanhi.

Joba 35:10

Kanilezi a nga kona a wulako, aku: I kwihi Nungungulu, a Mumahi wa mina, Loyi a nyikako a zizimba wusikwini;

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Tisimu 77:5

Nzi alakanya a masiku ya kale, Ni malembe ya kale ka matiko.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Jeremia 51:43

A miti yakwe yi mahilwe marumbi, A tiko ga xikhwakhwa ni xiwula; A tiko gi nga hiko na munhu, Hambu a nʼwana wa munhu a hunzako ha kona.

Hosea 12:13

Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Mateu 4:16

A vanhu va nga tshamile munyameni va lo wona a kuwonekela ka hombe, Ni lava va nga tshamile tikweni ga nzhuti wa kufa, A kuwonekela ku woningile hehla ka vona. Isa. 42:7; Lu. 2:32

Deuteronome 1:19

Loku hi sukile le Horebe, hi tsemakanya xontlhe xiwula lexi xa hombe xo tshisa, lexi mu xi wonileko; hi famba hi ndlela ya xitsunga xa maAmori, kota lezi Jehova Nungungulu wa hina a hi leleteleko, kala hi chikela Kadexe-Barnea.

Deuteronome 32:10

I mu kumile xiwuleni, A xiwula xa tihuwa ti chavekako. I mu bhiyele, a mu wundla, I mu hlayisile khwatsi hi nzololo ya tihlo gakwe,

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Valamuli 6:13

Gideoni aku ka yona: O, hosi yanga, loku Jehova a wa hi zinwe na hina, hi kuyini zontlhe lezi zi hi humeleleko? Zi kwihi zontlhe zihlamaliso zakwe lezi a vararu va hina va nga hi hlawutela zona, vaku: A hi yena Jehova a hi humesileko Gipite ke? Kanilezi makunu Jehova i hi hoxile, a hi nyikela mandleni ya vaMidiani.