Jeremia 2:34 - Tshwa Bible

³⁴ Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 2:34 Mawu Ofanana

2 Tihosi 21:16

Ni kambe Manasa i halatile nguvu a nkhata wu nga hiko na nanzu kala a tata a Jerusalema ha wona, kusukela nyangweni yinwe ya muti kala ka yinwani nyangwa, ahandle ka zionho zakwe lezi a onhisileko ha zona va ka Juda; i mahile kubiha mahlweni ka Jehova.

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

Eksodusi 22:1

Loku a munhu a yiva a homu kutani yivu, a yi daya kutani a yi xavisa, i ta riha a homu hi ntlhanu wa tihomu, ni yivu hi mune wa tiyivu. 2 Sam. 12:6

Eksodusi 22:2

Loku a khamba gi kumiwa na gi panza, gi yiva, zonake gi dawa, a ku na nanzu ka loye a gi deleko.

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 2:33

U tlharihile nguvu ndleleni ya wena ya ku ya hlota liranzo! Hikwalaho u gonzisile ni vava sati vo biha a tindlela ta wena.

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 4:14

Va pepetseka lomu maruweni khwatsi zikhumu, va nyenyezisile hi nkhata, Laha kaku a vanhu a va zi koti ku khumba a tinguwo tabye.

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 22:25

Ku na ni gujeguje xikari ka vaprofeti va nga ka gona, khwatsi i nghala leyi yi dzumelako a pfimba. Vaga mihefemulo ya vanhu, va wutla titshomba ni zilo za lisima; va anzisa a tsengo wa tinoni xikari ka gona. Mika 3:11; Mar. 12:40

Ezekieli 23:45

A vanhu va lulamileko va ta va lamula hi malamulelwa ya zibhayi ni malamulelwa ya vavasati laʼva halatako nkhata: hakuva vona zibhayi, ku na ni nkhata mandleni yabye. Gen. 9:6; Levi 20:10; Mitse. 35:31

Ezekieli 24:7

Hakuva, a nkhata lowu wu halatilweko ka wona wu kona xikari ka wona, i wu chulule hehla ka ribye ga likwembu, a nga wu chululangi lahasi ni ku wu seletela hi ntshuri; Joba 18:18

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.