Jeremia 2:3 - Tshwa Bible

³ Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Jeremia 2:3 Mawu Ofanana

Eksodusi 22:29

U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.

Eksodusi 23:16

U ta hlayisa ni mutlhangano wa kuhula, wu nga wa mihanzu ya ntiro wa wena wa lezi u byeleko masinwini. Va ta hlayisa ni mutlhangano wa kuhlengeletela, kugumeseni ka lembe, loku u hlengeletele a mitiro ya masimu ya wena.

Isaya 41:11

Languta, vontlhe lava va ku zangareleko va tawa tingana, va hakaseka; Lava va holovako na wena va nga ta kuva nchumu, va ta lobyiswa.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 2:4

Ingisani a mhaka ya Jehova, O yindlu ya Jakobe, Na nwina mingango yontlhe ya ka Israeli.

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Joeli 1:3

Zi hlawuteleni ka vanana va nwina, a vanana va nwina va zi hlawutela ka vabyewo, a vanana vabyewo ka xinwani xizukulwana.

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Habakuka 1:11

Zonake va hunza kukotisa a mheho, va ti rwexa milanzu, hakuva a ntamu wabye wu mahile nungungulu wabye.

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Mitsengo 18:12

Nza ku nyika yontlhe mihanzu yo saseka leyi va ta nga neha ka Jehova, ni zontlhe zo saseka za mafura, ni zontlhe zo saseka za vinya, ni mavele.

Va le Roma 11:16

Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10

Va le Roma 16:5

Rungulani ni bandla legi gi nga lomu ndlwini yabye. Mu rungula na Epenetusi a xiranzwa xa mina, loyi a nga mbhanzu wo ranga ka Kristu le Asia. 1 Kor. 16:19; Kol. 4:15; File. 2

Va le Efesusi 1:4

kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Deuteronome 26:19

lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9