Jeremia 2:21 - Tshwa Bible

²¹ Nzi lo ku byala na u hi sinya yo saseka ya vina, Ya lixaka li nene; Hikuyini makunu u hunzukileko u maha sinya ya limbe lixaka ke? Mat. 21:33; Mar. 12:1; Lu. 20:9

Jeremia 2:21 Mawu Ofanana

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Tisimu 105:6

Nwina lixaka la Abrahama, a nanza gakwe, Nwina vana Va Jakobe, vahlawulilweko vakwe.

Tisimu 44:2

U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

Tisimu 80:8

Wena u simule a sinya ya vina le Gipite, U hlongola vamatiko, u yi sima. Gen. 49:22; Isa. 5:1; 27:2

Tisimu 80:9

U lo yi longisela a misava, Yi zima mitsu, yi nava ni ku tata gontlhe tiko.

Eksodusi 15:17

U ta va chiketa, u ya va zimeka xitsungeni xa tshomba ya wena, Wutshanwini legi u gi longiseleko kuva ga wena, O Jehova! A yindlu yo basa leyi yi mahilweko hi mandla ya wena, Hosi!

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Isaya 27:2

A ka siku lego ku tava kona a xivina xi teleko hi mihanzu, Va ta yimbelela ha xona, vaku:

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 11:16

Jehova i ku chulile vito, gaku: Oliva yi nyukileko ya mihanzu yo saseka. Hi guwa ga hombe ga mududumela i yi hisile hi nzilo, a maravi ya yona ma hapukele.

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 5:10

Kanzihani a makhurisi yakwe, mu ma khungumula, kanilezi mu nga mbhetiseli magumo. Suselelani a tihlambuti takwe, hakuva tona a hi ta Jehova.

Mikosi 4:1

Yi hunzulukisile kuyini a nzalama yi nga hatimako? A nzalama leyi yi ringilweko yi hunzulukisile kuyini? A maribye ya wutshamu ga kubasa ma hangalasilwe mahanzakanyeni wontlhe ya maruwa.

Ezekieli 15:2

Nʼwana wa munhu, a nyenge ya vina yi hunza a nyenge ya tinwani tisinya hi yini? a sinya ya vina leyi a liravi la yona li nga xikari ka tisinya ta khwati?

Mateu 21:33

Ingisani munwani mufananiso: Ku wa hi kona a nwinyi wa yindlu, a nga byala a xivina, a xi bhiyela lihlavu, a kehla xigowolo xo kamela mihanzu ya kona, ni ku aka tshala; i lo xi nyikela mandleni ya varimi, a enzela ginwani tiko. Mar. 12:1; Lu. 20:9

Marku 12:1

Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9

Luka 20:9

Zonake i lo kanela lowu mufananiso ka vanhu, aku: A munhu wo kari i lo byala xivini, a xi nyikela mandleni ya varimi, aya matiko wundle a xikhati xa hombe. Mat. 21:33; Mar. 12:1

Johani 15:1

Mina nzi tshinya gi nene ga vina; Dadani hi murimi.

Deuteronome 32:32

Hakuva a xivina xabye xi huma sinyeni ya Sodoma, Ni le masinwini ya Gomora; A mauva yabye mauva ya nyongwa, Zitata za wona za bava. Ezek. 16:49

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Joxua 24:31

Na Israeli i lo khozela Jehova wontihe masiku ya Joxua, ni ka masiku wontihe ya masingalakati lawa ma hanyileko anzhako ka kufa ka Joxua, lava va nga wa tiva mitiro yontlhe leyi Jehova a nga wa yi maha ka vaIsraeli.