Jeremia 2:15 - Tshwa Bible

¹⁵ A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 2:15 Mawu Ofanana

Joba 4:10

A kudzuma ka nghala ni gezu ga nghonyamo gi mbhelile, Ni meno ya marole ya tinghala ma tshobyilwe;

Tisimu 57:4

A muhefemulo wa mina wu lomu xikari ka tinghala; Nzi etlele xikari ka lava va pupuxako nzilo; A vanhu lava a meno yabye ma nga matlhari ni tigalala, Lava a tirimi tabye ti nga tisupado to kariha.

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Isaya 5:9

Jehova wa tiyimpi i wulile tindleveni ta mina, aku: Hizinene, a tiyindlu tinyingi ti ta hahluka, A tiyindlu to saseka ni ta hombe ti ta vumala vanhu.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 25:30

Hikwalaho u ta profeta kabye leti timhaka, uku: Jehova wa dzuma-dzuma hi le hehla, A zwata gezu gakwe hi lomu ndlwini yakwe yo basa; Wa dzumela wuriselo gakwe hi kuchavisileko, Waba huwa kukotisa vakhuwuti va mauva, Na vukela vaaki vontlhe va misava. Joeli 3:16; Am. 1:2

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:9

Hikuyini wena u profetileko hi vito ga Jehova, uku: Leyi yindlu yi ta kota Xilo, lowu muti wu tava rumbi, ku nga hi na muaki ke? Ni vontlhe vanhu va lo tsombana ka Jeremia lomu ndlwini ya Jehova.

Jeremia 33:10

Jehova i ngalo: A ka wutshamu legi nwina mu nge xiwula, gi nga hiko na munhu hambu xihari, ni le mitini ya Juda, ni lomu maruweni ya Jerusalema lawa ma gohetelweko lezaku ku nga hi na munhu kona, hambu ni muaki ge ni xihari,

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 51:38

Va ta dzuma khatiginwe khwatsi tinghala, Va ngura khwatsi zinghalana.

Jeremia 6:8

Hunzuluka, O Jerusalema, kasi nzi nga ku fulareli, Nzi ku maha a rumbi, a tiko gi nga hiko na muaki.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Ezekieli 36:3

Hikwalaho profeta, uku: Hosi Jehova i ngalo: Hakuva va mu hahlule, va mu mita matlhelo wontihe, kasi mu fela ku fumelwa hi matiko manwani, ni lezi mu nga milonwini yo biha ya vanhu ni ya va mahlevo,

Ezekieli 5:14

Tlhatakumbiri nzi ta ku maha xiwula ni xiruko xikari ka matiko lawa ma ku ranzeleko a kuwoneni ka vontlhe vahunzi.

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Amosi 3:12

Jehova i ngalo: Khwatsi hilezi a murisi a wutlako nonwini wa nghala a milenge mimbiri ntsena, kutani a xipanze xa ndleve, hizalezo va ta nga ponisiswa zona a vanana va ka Israeli lava va nga le Samaria, va tshamileko magunweni ya zitulu ni hehla ka mibhedi yi vekelweko mafofa ya seda.

Amosi 3:4

A nghala yi nga dzuma lomu khwatini, ahandle ka kuva yi hi ni pfimba ke? A zinghalana xi nga ngurangura nzawini wa xona, ahandle ka kuva xi khomile nchumu ke?

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Nahume 2:11

A nzawu wa tinghala wu kwihi, lomu a tinghalana ti nga gela kona, laha a matsune ni nkati wa nghala zi nga etlela kona ni zinghalana za kona, zi nga dzuxiwi hi nchumu?

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Zefania 2:5

Va tava ni khombo lava a akileko fungwini wa bimbi, a tiko ga vaKereti! A mhaka ya Jehova ya ku vukela, wena Kanani, tiko ga maFilistia; nzi ta ku lovisa kasi ku nga havi kona ni muaki munwe ka wena.

Zefania 3:6

Nzi hihiritile matiko, a makhokhola ya wona ma khungumulwe; nzi mahile a tindlela ta wona lezaku ti nga ha tsemakanyiwi hi munhu. A miti ya wona yi iovile, laha kaku a ka ha hi na munhu, ni muaki munwe a nga ha hi kona.

Zakaria 11:3

Hi nga zwani a xirilo xa varisi, hakuva a wukosi gabye gi fuvisilwe; ku zwala a kudzuma ka zinghalana hakuva a xihlahla xa Jordani xi lobyisilwe.

Valamuli 14:5

Zonake Samsoni i lo relela aya Timna ni raru ni nyine wakwe. Laha na va chikele la zivineni za Timna, a role ga nghala gi lo dzuma gi mu vukela.