Jeremia 2:11 - Tshwa Bible

¹¹ Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:11 Mawu Ofanana

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

2 Tihosi 1:3

Kanilezi a ngelosi ya Jehova yi te ngalo ka Elija a muTixebeti: Suka u ya tlhangana ni mitsumi ya hosi ya le Samaria, uku ka yona: Hi lezaku a ku na Nungungulu lomu tikweni ga ka Israeli, lezi u yako ku ya wutisa ka Baali-Zebuba, a nungungulu wa le Ekroni ke?

2 Kronekele 13:9

Xana a mu hlongolangi a vapristi va Jehova, a vana va Aroni zinwe ni va ka Levi ke? Mu ti yimisele vanwani vapristi kota lezi va mahako vamatiko manwani, muku, loku munhu ata ku ta phahlela hi homu zinwe ni 7 wa tihamba, a yimiswa kuva mupristi wa lexi xi nga hiko nungungulu. Ekso. 28:41; 32:29; 1 Tih. 12:31

Tisimu 106:20

Va lo hunzulusa wukosi gabye, Va nyikwa a xifananiso xa homu yi gako byanyi. Jer. 2:11; Rom. 1:23

Tisimu 115:4

A zifananiso zabye i siliva ni nzalama, A mitiro ya mandla ya vanhu. Isa. 44:9

Tisimu 3:3

Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Jeremia 16:20

Xana munhu wa zi kota a ku ti mahela vanungungulu ke? Kasi vona a hi vanungungulu.

Jeremia 18:13

Hikwalaho Jehova i ngalo: Wutisani xikari ka matiko loku a hi kona a nga ngazwa a zakunghahi. A nhwana wa Israeli i mahile xilo xo tshisa nguvu.

Jeremia 2:5

Jehova i ngalo: Xana kubiha muni a vararu va nwina va ku kumileko ka mina ke? Lezi va tshamako va tsawukene na mina, Va lanzela zifananiso zi nga vuniko, Va hunzuka vava lava va nga nyawuliko? 2 Tih. 17:15; Rem. 1:21

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 5:7

Xana nzi nga ku tsetselelisa kuyini? A vanana va wena va nzi tsikile, va hlambanya hi lava va nga hiko vanungungulu. Hambu loku nzi va xurisile hi gi eneleko, vona va mahile wubhayi, va lo tsombana lomu ndlwini ya wuoswi na va tele nguvu.

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.

Ezekieli 5:7

Hikwalaho Hosi Jehova i ngalo: Lezi nwina mu hluwukileko ku hunza a matiko lawa ma mu ranzeleko, mu nga fambi hi milayo ya mina, hambu ku hlayisa a zileletelo za mina, kambe a mu gongangi a zileletelo za matiko lawa ma mu ranzeleko; Ezek. 16:47; Rom. 2:14

Mika 4:5

Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.

Va le Roma 1:23

Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka. Levi 18:22; Tis. 81:12; Miti. 7:42; 1 Kor. 6:18

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Va le Galatia 4:8

Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

1 Pedro 1:18

Ma zi tiva lezaku mu tirulwe mahanyeleni ya nwina ya hava, lawa mu tolovetilweko wona hi vakoko va nwina, 1 Kor. 6:20

1 Samueli 4:21

I lo chula nwanana a vito ga Ikabode, hakuva i te ngalo: A wudumo gi sukile ka Israeli, hi lezi a arke ga Nungungulu gi tekilwe, ni nwingi wakwe ni nuna wakwe.