Jeremia 18:16 - Tshwa Bible

¹⁶ Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 18:16 Mawu Ofanana

1 Tihosi 9:8

Ni yindlu leyi, hambu loku yi tlakukile kota lezi, ni wihi loyi a ta nga hunza hi laha kusuhani ka yona, i ta hlamala, aba noti, aku: Hi kuyini Jehova a maha za kunghahi ka tiko legi ni yindlu leyi ke?

2 Kronekele 29:8

Hikwalaho Jehova i zangarele Juda ni Jerusalema, a va nyikela kundlengandlengisweni, va hlokiswa ni ku chepetwa, khwatsi hi lezi mu zi wonako hi mahlo ya nwina. Deut. 28:25

Tisimu 109:25

Nzi mahile xihlekiso kabye, Loku va nzi wona va zivisa tihloko. Mat. 27:39

Tisimu 22:7

Vontlhe va nzi wonako va nzi hleka, Va monya, va ziviza, vaku: Mat. 27:39; Mar. 15:29; Lu. 23:35

Tisimu 44:14

U hi mahile a vingu xikari ka matiko, A vamatiko va hi zivizela tihloko.

Isaya 37:22

A timhaka leti Jehova a ti wulawulileko ha yena hi leti: A mubulwa wu nga nhwana wa le Zioni wu ku kanyisile, Wa ku hleka, a zivisa hloko yakwe ka wena.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 19:8

Nzi ta maha muti lowu wuva xirewukiso ni xiruko; wihi ni wihi a to hunza ha kona i ta rewuka le go kala aba noti hi ku hlamala hi kota ya wontihe a makhombo lawo.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 48:27

Israeli a ku mu mahangi xihlekiso ke? I lo kumiwa wukambeni lezi u ninginizako hloko Loku u wulawula ha yena?

Jeremia 49:13

Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

Jeremia 49:17

Edome i ta hunzuluka a maha xirewukiso. Ni wihi a ta nga hunza ha kona i ta hlamala, aba noti hi ku wona a makhombo wontihe ya kona.

Jeremia 50:13

Hi kota ya zanga ya Jehova gi nga ta akiwa hi munhu, gi tava marumbi gontlhe. Ni wihi loyi a ta nga hunza hi le Babuloni, i ta rewuka, aba noti hi kota ya makhombo yakwe wontihe.

Jeremia 51:37

Babuloni i tava tinhulu ta maribye, A wutshamu ga mahlolwa; Ava xirewukiso ni xihlekiso, A nga hi na muaki.

Jeremia 51:43

A miti yakwe yi mahilwe marumbi, A tiko ga xikhwakhwa ni xiwula; A tiko gi nga hiko na munhu, Hambu a nʼwana wa munhu a hunzako ha kona.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Ezekieli 12:19

U byela vanhu va tiko, uku: Xungetano hi vaaki va Jerusalema ni tiko ga ka Israeli, Hosi Jehova i ngalo: Va taga xibaba xabye na va gwavatana, vanwa mati yabye hi ku tsemeka-hlana; hakuva a tiko gi ta phangiwa hi zontlhe zi nga ka gona, hi kota ya kubiha ka vaaki va gona.

Ezekieli 27:36

A vamahungani va matiko va ku hlekula, Wa tshisa, u nga ta ha kuva nchumu kambe.

Ezekieli 36:3

Hikwalaho profeta, uku: Hosi Jehova i ngalo: Hakuva va mu hahlule, va mu mita matlhelo wontihe, kasi mu fela ku fumelwa hi matiko manwani, ni lezi mu nga milonwini yo biha ya vanhu ni ya va mahlevo,

Ezekieli 6:14

Nzi ta nawuluta a woko ga mina hehla ka vona, nzi hahlula tiko gabye gi maha xiwula, gi hunza a xiwula xa Dibla, a ka gontlhe wuakelo gabye. Va ta zi tiva lezaku nzi mina Jehova.

Levi 26:32

Nzi ta hangalasa a tiko, laha kaku a valala va nwina lava va tshamako ka gona va hlamala nguvu, Jer. 19:8; 25:9

Levi 26:43

A tiko va ta gi siya goce, gi sala gi ti tsakela hi masabado ya gona, ka xikhati lexo gi ta nga tshama phanga, vona na va hi hava, na vona va taya amukela a tsayiso wa kuonha kabye, hakuva va kanyisile kuleletela ka mina, ni mihefemulo yabye yi nyenyile milayo ya mina.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Mateu 27:39

Lava va nga hunza laho va lo mu rukatela, va mu chepeta hi tihloko tabye, Tis. 22:7; Lu. 23:35

Marku 15:29

Lava va nga hunza va lo mu rukatela, va chepeta hi tihloko tabye, vaku: Ha! wena u khungumuleko a tempeli, u yi aka hi masiku manharu, Tis. 22:7; Xip. 14:58; Joh. 2:19

Deuteronome 28:59

Jehova i ta kuba hi mitungu leyi yi hlamalisako, wena ni zizukulwana za wena, a mitungu leyi ya hombe yi simamisako yi nga hunzi ni mababyi lawa yo karata lawa ma tsanzako va-chumi.

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8