Jeremia 18:11 - Tshwa Bible

¹¹ Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 18:11 Mawu Ofanana

Genesisi 11:7

A hi releleni hi ya hakasa a lirimi labye, kasi va nga zwanani kuwulawuleni.

1 Tihosi 22:23

Hikwalaho Jehova i enghenisile a moya wa mawunwa milonwini ya vontlhe vaprofeti lava va wena. Jehova i wulawulile kubiha hi tlhelo ga wena.

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Tihosi 22:13

Fambani mu ya nzi wutisela ka Jehova, mu wutisela ni vanhu vontlhe va ka Juda, xungetano ni timhaka ta bhuku legi gi thumbilweko, hakuva a zanga ya Jehova yi vurako hehla ka hina nja hombe, hakuva a vadadani va hina a va ingisangi timhaka ta bhuku legi, ni ku maha zontlhe kota lezi hi layilweko ka gona.

2 Tihosi 5:5

A hosi ya le Siria yi te ngalo: Suka u famba, nzi ta rumela a papilo ka hosi ya ka Israeli. I lo suka a teka a 10 wa titalenta ta siliva, ni 6,000 wa maxekeli ya nzalama, ni 10 wa tinguwo to saseka.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 57:1

Loyi a lulamileko wafa, Kanilezi a ku na munhu zi mu henyako mbilu; A vakhongeli va susiwa, Kanilezi a nga kona a zi khatalelako. Loyi a lulamileko a susiwa mahlweni ka leʼzo biha

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 11:19

Mina nzi wa fanana ni yivana yo rula yi yiswako kudaweni; nzi wa nga zi tivi lezaku va wa hi ni xikungo xo nzi vukela, xaku: A hi dikheni sinya ni mbhanzu wa yona, hi mu tsuwula tikweni ga vahanyako, kasi a vito gakwe gi nga ha alakanyiwi.

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 25:2

a gezu legi muprofeti Jeremia a nga byela tiko gontlhe ga ka Juda ni ka vontlhe a vaaki va Jerusalema, aku:

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Jeremia 26:13

Hikwalaho sasisani makunu a mahanyela ya nwina ni zimaho za nwina, mu ingisa a gezu ga Jehova a Nungungulu wa nwina, zonake Jehova i ta hunzuluka ka khombo legi a gi wulileko ha nwina.

Jeremia 26:3

Kutani va ta ingisa, munwe ni munwani a hunzuluka ndleleni yakwe yo biha, lezaku kasi nzi nga va neheli a khombo legi nzi xuvileko a ku va mahela hi kota ya zimaho zabye zo biha. Jer. 18:8, 11; Jona 3:10

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 36:3

Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Jeremia 4:23

Nzi wonile a misava, Yi wa nga hi na xiwumbeko, yi nga hi na nchumu; Nzi cuwuka matilo, ma wa nga hi na kuwonekela.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 7:3

Jehova wa tiyimpi, a Nungungulu wa Israeli, i ngalo: Chukhwatisani a mahanyela ya nwina ni mitiro ya nwina, zonake nzi ta mu vumela ku simamisa mu aka ka wutshamu legi.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 18:23

Nzi wa ta tsakela a kufa ka loyi wa kubiha ke? ku wula Hosi Jehova, nzi nga tsakeli lezaku a hunzuluka ndleleni yakwe a hanya ke?

Jona 3:8

Kanilezi ngha zi ambala a tinguwo ta Xirilo, a vanhu ni zihari, zi rila hi ntamu ka Nungungulu. Ina, munwe ni munwani ngha a suka ndleleni yakwe yo biha, va tsika a mitiro ya tihanyi yi mahiwako hi mandla yabye.

Mika 2:3

Hikwalaho Jehova i ngalo: Langutani, nza alakanyela a khombo hehla ka lixaka leli, legi mu to kala mu nga zi koti ku humesa a tinhamu ta nwina ka gona, mu nga ha ta famba hi matshanza, hakuva a xikhati xi bihile.

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Jakobe 4:13

Ma nga zwani nwina lava mu wulako muku: Inyamutlha kutani manziko hi taya mutini wo kari, hi ya tshama lembe kona, hi xavisa, hi bhinzula;

Jakobe 5:1

Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9