Jeremia 17:9 - Tshwa Bible

⁹ A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 17:9 Mawu Ofanana

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

2 Samueli 11:15

Lomu ka papilo i lo tsala aku: Yisa Uria laha a yimpi yi hisako kona, mu mu tsika laho kasi a fela ku gwaziwa afa.

Tisimu 51:5

Languta, nzi belekelwe kubiheni, Mamani i xurile nyimba lahasi ka xionho. Gen. 8:21; Joh. 3:6

Tisimu 64:7

Kanilezi Nungungulu i ta va fula hi tigalala, Hi xitshuketi va ta lamatwa.

Mavingu 28:26

Loyi a tsumbako mbilu yakwe wutsumbu xipumbu; anilezi loyi a fambako hi wutlhari i ta tlhatlhiswa.

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 1:6

Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Mateu 13:15

Hakuva a timbilu ta lava vanhu ti nonohile, A tindleve tabye a ti hatlisi ku ingisa, Ni mahlo yabye ma tsimbile; Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Maheb. 5:11

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Marku 2:17

Laha Jesu na a zi zwile i te ngalo kabye: Lava va hanyako a va lavi nʼanga, kanilezi lava va babyako. Mina a nzi telangi ku ta vitana a valulamileko, kanilezi a vaonhi. Mat. 9:12, 13; Lu. 5:31, 32

Va le Roma 1:21

Hakuva na va mu tivile Nungungulu, a va mu dumisangi kota Nungungulu, hambu ni ku mu bonga; kanilezi va lo hunzukela za hava kualakanyeni kabye, ni timbilu tabye leti ti nga vumala kutlhariha ti lo pfhupeliswa. 2 Tih. 17:15; Tis. 106:13

Va le Roma 7:11

Hakuva a kuonha na ku kumile xikhati hi kota ya kulaya, ku lo nzi kanganyisa ku nzi daya ha kona.

Va le Efesusi 4:22

Xungetano ni mahanyela ya nwina ya kale mu yimelwe hi ku ti tlhatlha ka munhu wa kale, loyi a onhekako hi kunavela ka kukhohlisa;

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.