Jeremia 17:8 - Tshwa Bible

⁸ Hakuva i ta fanana ni sinya yi byelweko kusuhi ni mati, Leyi a mitsu ya yona yi navako kala matini, Hambu kuva ni mumu a yi chavi, Kanilezi a matluka ya yona ma simama ma nyuka; A yi karateki hi lembe go kala vula, Hambu ku tsika ku phandlula mihanzu.

Jeremia 17:8 Mawu Ofanana

Joba 29:19

A mutsu wa mina wu nava wuya matini, Wusiku gontlhe a nzhokati yi wa wela hehla ka maravi ya mina.

Joba 8:16

Yena i sinya yi nyukileko mahlweni ka gambo, Ni maravi ya yena ma nava sinwini ga yena.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Mavingu 11:28

Loyi a tsumbako wukosi gakwe i tawa; anilezi a valulamileko va anza kukotisa liravi.

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 39:18

Futsi nzi ta ku hlanguta, u nga ta dawa hi supado; kanilezi a wutomi ga wena u ta gi wutla kukotisa muphango, hakuva u nzi tsumbile, ku wula Jehova.

Ezekieli 31:3

U wa hi sedare le Lebanoni, a sinya yi sasekileko, Ya maravi yo tlhuma lawa ma nyikako a nzhuti, U wa hi sinya yo tlakuka, a tichoka ta wena ti wa chikela marefini.

Ezekieli 47:12

Laha mbhirini ya congo ya tlhelo ga seno ni ga seniya, ku ta mila a tisinya ta mihanzu, leti a matluka ya tona ma to kala ma nga wuni, ni mihanzu ya kona yi to kala yi nga mbheli. Ti ta pswala mihanzu hweti ni hweti, hakuva a mati ya kona ma humela ndlwini yi basileko. A mihanzu ya kona njo giwa, a matluka ya kona njo chuma ha wona. Kuv. 22:2