Jeremia 17:6 - Tshwa Bible

⁶ Hakuva i ta fanana ni xihlahla xo woma lomu xiwuleni, A nga ta wona makatekwa loku mata; Kanilezi i ta tshama matshanwini ma swileko lomu xiwuleni, A tikweni ga munyu legi gi nga hiko na munhu.

Jeremia 17:6 Mawu Ofanana

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

Joba 20:17

A nga ta ha wona micongo, Hambu ku wona a ntalo wu khulungako wulombe ni mawomba.

Joba 39:6

Nzi yi nyikile xiwula a kuva kaya ka yona, Ni mikova ya munyu a kuva wuakelo ga yona.

Tisimu 1:4

A vakubiha a va nghaho; Va fanana ni mungu wu kukuletwako hi mheho. Joba 21:18

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Tisimu 92:7

Loku a vakubiha va hluka khwatsi i byanyi, Ni loku a vahambunyeti va vuvuma, Zi mahiwa lezaku va lobyiswa kala kupinzuka.

Isaya 1:30

Hakuva mu ta fanana ni sinya ya nkuhlu leyi a matluka ya yona ma wutlako, mu ku khwatsi mu simu legi gi nga hiko na nzhongo.

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Jeremia 48:6

Tsutsumani, mu ti ponisa, Mu ku khwatsi mu xihlahla xo woma lomu xiwuleni.

Ezekieli 47:11

Kanilezi a matshamu ya marope ni matshowo ma nga ta chumiwa, ma ta humesa a munyu.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Valamuli 9:45

Abimeleki i lolwa navo gontlhe siku, a kala a enghena mutini a hlasela a vanhu lavo va nga hi lomo, a khungumula muti, a wu xwanyela munyu.