Jeremia 17:4 - Tshwa Bible

⁴ Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 17:4 Mawu Ofanana

1 Tihosi 9:7

mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

2 Tihosi 25:21

A hosi ya le Babuloni yi lo va daya le Ribla, le tikweni ga le Hamate. Zinghaho a vaJuda va lo yiswa le wukhumbini ga le kule ni tiko gabye.

Nehemia 9:28

Kanilezi anzhako na va humule, va lo engeta va maha kubiha mahlweni ka wena. Hikwalaho u lo va tsika mandleni ya valala vabye, va fumelwa. Kanilezi laha va nga tlhelela ka wena, va ku rilela, wena u lo vazwa na u hi le tilweni; u va tlhatlhisa makhati manyingi hi kota ya wuxinji ga wena;

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 12:7

Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

Jeremia 15:14

Nzi ta ku maha u tirela valala va wena tikweni legi u nga gi tiviko; hakuva a nzilo wa zanga ya mina wu dzivelwe, lowu wu ta nga mu hisa. Deut. 32:22

Jeremia 16:13

Hikwalaho nzi ta mu hlongola tikweni legi, muya ka tiko legi mu nga gi tiviko, nwina hambu vararu va nwina; mu ta ya tirela kona a vanwani vanungungulu a mumu ni wusiku, hakuva nzi nga ta mu zwela wuxinji. Deut. 4:27—28:36, 64

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Jeremia 2:14

Xana Israeli a ngava khumbi yi xabyilweko, Kutani khumbi yi pswalilweko lomu ndlwini ke? Hikuyini a phangiwako ke?

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 22:28

Xana a munhu loyi Konia, xibya xi fayekileko ni ku nyenyiwa, lexi xi nga vuniko nchumu ke? xana i tsikelwa yini ni vanana vakwe, va ya hoxiwa ka tiko va nga gi tiviko ke?

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Jeremia 5:29

Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Ezekieli 7:24

Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9