Jeremia 17:27 - Tshwa Bible

²⁷ Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 17:27 Mawu Ofanana

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

2 Kronekele 36:19

Va lo hisa a yindlu ya Nungungulu, va khungumula a ligingisi la Jerusalema, va hisa tontlhe tiyindlu ta wuhosi, va xakela zontlhe zilo za malongo.

Tisimu 122:7

A kuve kona kurula lomu nzeni ka tigingisi ta wena, Ni kuvuvuma lomu ziluvelweni za wena.

Isaya 1:20

kanilezi loku mu ala mu hluwuka, mu ta lobyisiwa hi supado; hakuva a nomu wa Jehova wu wulile lezo. Levi 26:25

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Jeremia 17:24

Loku mu nzi ingisa, ku wula Jehova, lezaku mu nga enghenisi a mirwalo tinyangweni ta muti lowu hi siku ga sabado, kanilezi mu basisa a siku ga sabado, mu nga tiri a ntiro ha gona;

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 18:1

Hi yona a mhaka leyi yi ngata ka Jeremia hi ka Jehova, yiku:

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 32:29

A maKaldea ma vimbezelako muti lowu, va ta enghena ka wona va wu hisa hi nzilo, va hisa ni tiyindlu tontlhe leti ku hiselweko ka tona a tibani ka Baali, ni ku nyikelwa a minyikelo ya kunwa ka vanungungulu vanwani, kasi ku nzi zangarisa.

Jeremia 39:8

Ni maKaldea ma lo hisa hi nzilo a yindlu ya hosi ni tiyindlu ta vanhu va tiko, va gidlimusela a tigingisi ta Jerusalema.

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 49:27

Nzi ta dzivela a nzilo lomu khurisini ga Damasku, wu ta hisa a ziluvelo za Ben-hadade.

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Jeremia 6:17

Nzi vekile varinzeli xikari ka nwina, nziku: Ingisani a gezu ga mpunzu. Kanilezi va hlamule, vaku: Hi nga ta gi ingisa.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Mikosi 2:6

I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 16:41

Va ta hisa tiyindlu ta wena hi nzilo, va ku lamula mahlweni ka vavasati vanyingi. Nzi ta ku maha u tsika a wubhayi ga wena, u nga ta ha nyika hakhelo. 2 Tih. 25:9; 2 Kro. 26:19

Ezekieli 21:15

Nzi dembile a wutla ga supado ka tontlhe tinyangwa tabye, kasi a timbilu tabye ta nyekiswa, ku enzelekiswa lava va wako. Ha! yi mahilwe ku kwezima, yi dembilwe kasi ku hlasela.

Ezekieli 21:3

uku ka Israeli: Jehova i ngalo: Languta, nzi ku yimekele, nzi ta hlomula supado ya mina kocelweni wa yona, nzi hihirita a valulamileko ni vakubiha lava va nga ka wena.

Ezekieli 22:8

U kanyisile a zilo za mina za kubasa, u nyenyezisa a masabado ya mina.

Ezekieli 23:38

Tlhatakumbiri va nyenyezisile a yindlu ya mina yo basa, va nyenyezisa ni masabado ya mina,

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Amosi 1:10

Kanilezi nzi ta rumela a nzilo khurinisi ga Tire, wu ta hisa a ziluvelo za kona. Jer. 47:4; Ezek. 26:3

Amosi 1:12

Kanilezi nzi ta rumela a nzilo le Temani, wu ta hisa a ziluvelo za Bozra.

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Amosi 1:4

Nzi ta rumela a nzilo lomu ndlwini ya Hazaeli, Wu ta hisa a ziluvelo za Ben-hadade. 2 Tih. 13:3; Jer. 49:27

Amosi 1:7

Kanilezi nzi ta rumela a nzilo khurisini ga Gaza, wu hisa a ziluvelo za kona.

Amosi 2:2

Kanilezi nzi ta rumela a nzilo hehla ka Moabi, wu ta hisa a ziluvelo za le Keriote. Zonake Moabi i ta lova na ku hi ni pfilupfilu ni tihuwa ni kuvuma ka mpunzu.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;