Jeremia 17:23 - Tshwa Bible

²³ Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 17:23 Mawu Ofanana

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Mavingu 1:3

A ka wona ku nyikiwa gonziselelo ya wutlhari, i tlhelo ga nongameto, ni kulamula, ni fanelo.

Mavingu 1:5

Loyi a tlharihileko i fela kuzwa, a enzelekisa wutivi, oyi a nga ni kupimisisa i ta ti kumela makungo ma nene,

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Mavingu 5:12

Uku: Hikuyini nzi nga ala ku layiwa? ikuyini nzi nga kanyisa laha na nzi kawukiwa;

Mavingu 8:10

Amukelani a gonziselelo ya mina, na ku nga hi siliva, i wutivi ku hunza nzalama yo saseka.

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:8

Hunzuluka, O Jerusalema, kasi nzi nga ku fulareli, Nzi ku maha a rumbi, a tiko gi nga hiko na muaki.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:16

Hakuva va alile a zileletelo za mina, va nga hlayisi a milayo ya mina, va nyenyezisa a masabado ya mina, hakuva a timbilu tabye ti lanzele a zifananiso zabye.

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Zefania 3:7

Nzi te ngalo: Hizinene loku u wa ta nzi chava, u amukela a ziluleko, zinghaho a Wutshamu ga wena gi wa nga ta susiwa kukotisa zontlhe lezi nzi leleteleko xungetano na wena. Kanilezi na ga hi mixo va vukile kasi ku wonha zimaho zabye zontlhe.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38