Jeremia 17:22 - Tshwa Bible

²² Hambu ku humesa a minzhwalo lomu tindlwini ta nwina hi siku ga sabado, hambu ku tira ni wihi ntiro. Kanilezi basisani a siku ga sabado, kota lezi nzi nga laya vakoko va nwina. Ekso. 20:8; Deut. 5:12

Jeremia 17:22 Mawu Ofanana

Nehemia 13:15

Masikwini lawo nzi lo wona le Juda a vanwani na va kamela vinya lomu zigowolweni hi siku ga sabado, ni laʼvo rwalela a tinyanza ta mavele hi timbongola, ni vinya, mauva, ni makuwu, ni minzhwalo ya tixaka ti tsalangeneko, leyi va nga wa yi neha le Jerusalema hi siku ga sabado. Mina nzi lo va holovela hi siku lego va nga wa xavisa ha gona zakuga.

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Jeremia 17:24

Loku mu nzi ingisa, ku wula Jehova, lezaku mu nga enghenisi a mirwalo tinyangweni ta muti lowu hi siku ga sabado, kanilezi mu basisa a siku ga sabado, mu nga tiri a ntiro ha gona;

Ezekieli 20:12

Tlhatakumbiri nzi lo va nyika a masabado ya mina, mava xikombiso xikari ka mina na vona, kasi va fela ku zi tiva lezaku hi mina Jehova nzi va basisako.

Ezekieli 22:8

U kanyisile a zilo za mina za kubasa, u nyenyezisa a masabado ya mina.

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Luka 23:56

Zonake va lo tlhela, va ya longisa a makha ni mafura yo nuhela. Hi siku ga sabado va lo humula kota nayo. Ekso. 20:10; Mar. 16:1

Luka 6:5

A engeta aku ka vona: Nʼwana wa munhu i Hosi ya sabado.

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2