Jeremia 17:18 - Tshwa Bible

¹⁸ Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.

Jeremia 17:18 Mawu Ofanana

Joba 16:14

Wa nzi bhoxa timbanga yinwe hehla ka yinwani, A tsutsumela ka mina khwatsi i nhenha.

Tisimu 35:4

Ngha va kanakana, va wiswa tingana lava va hlotako wutomi ga mina; A va tlheliswe nzhako va kanganyiseka lava va lavako ku nzi lamata.

Tisimu 35:8

A kulobyiswa a ku wele hehla kabye hi xitshuketi; Ngha va phasiwe vona venyi hi ntlhamu lowu va wu dembileko, Va wela kulobyisweni kwaloko.

Tisimu 40:14

Ngha va chelwa tingana ni ku kanganyiseka Vontlhe lava va hlotako wutomi ga mina kasi ku gi lovisa; A va tlheliselwa nzhako vaku koyo tingana Lava va tsakako hi kulamatwa ka mina.

Tisimu 70:2

Ngha va chelwa tingana ni ku kanganyiseka, Lava va hlotako wutomi ga mina. A va tlheliselwe nzhako vaku koyo tingana Lava va tsakako hi kulamatwa ka mina.

Tisimu 71:1

Jehova, nzi chavela ka wena, Ngha nzi nga chelwi tingana ni kanwe.

Jeremia 1:17

Hikwalahoke, ti bohe a xiwunu xa wena, u yima, u va byela zontlhe lezi nzi ta nga ku laya zona. U nga dzuki u chava a mahlweni kabye, ku nga taku nzi ku chavisa mahlweni kabye. Lu. 12:35; Efe. 6:14; 1 Ped. 1:13

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 12:3

O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 17:16

Mina a nzi alangi a kuva murisi loyi a te ku dota hi lenzhako, A nzi navelangi a siku ga khombo; wena wa zi tiva. Lezi zi humeleko milonwini ya mina zi wa wulilwe mahlweni ka wena.

Jeremia 17:19

Jehova i te ngalo ka mina: Famba u ya yima nyangweni ya vana va tiko, leyi ku enghenako ha yona a tihosi ta ka Juda, ti humako ha yona, u yima ni ka tontlhe tinyangwa ta Jerusalema;

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Deuteronome 33:11

O Jehova, katekisa ntamu wakwe, U amukela mitiro ya mandla yakwe. Lamata mihlana ya valala vakwe, ni ya lava va mu vengako, Kasi va fela ku kala va nga ha suki kambe.

Kuvululelwa 18:6

Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29