Jeremia 17:1 - Tshwa Bible

¹ A xionho xa Juda xi tsalilwe hi pena ya xiketse, yi nga ni muzwa wa daimani; xi kehlelwe timbilwini tabye, ni lomu ka timhonzo ta maganzelo ya nwina,

Jeremia 17:1 Mawu Ofanana

Mavingu 3:3

A wuxinji ni zinene ngha zi nga humi ka wena, i bohelele nhanwini ya wena; i tsale lomu mbilwini ya wena:

Mavingu 7:3

Zi bohe titihweni ta wena, zi tsala hehla ka mbilu ya wena. Ekso. 13:16; Deut. 6:8

Isaya 49:16

Languta, nzi ku tsalile zipameni za mandla ya mina, A makhurisi ya wena xontlhe xikhati ma le mahlweni ka mina.

Jeremia 11:13

Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24

Jeremia 2:22

Hambu loku u nga hlamba hi nitro, U tsutsa sabawu yo tala, A kubiha ka wena ku ta sala mahlweni ka mina, Ku wula Hosi Jehova.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Hosea 12:11

Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.

Hosea 7:2

A va khumbuli timbilwini tabye lezaku nza alakanya a kubiha kabye. Makunu a zimaho zabye zi va ranzele, zi le mahlweni ka mina.

Hosea 8:11

Efraime i anzisile a maalati ma vangako kuonha, a maalati ya kona ma mu kucetele kuonheni.

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Zakaria 7:12

Va lo nonohisa timbilu tabye tiku khwatsi i daimani, lezaku va ngazwi a nayo ni timhaka leti Jehova wa, tiyimpi a nga ti rumele hi Moya wakwe hi nomu wa vaprofeti va kale; hikwalaho ku lo huma a zanga ya hombe hi ka Jehova wa tiyimpi.

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5