Jeremia 16:4 - Tshwa Bible

⁴ Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 16:4 Mawu Ofanana

2 Tihosi 9:10

Jezebeli i ta giwa hi timbyana le masinwini ya Jezreeli; a nga tava na mulahli. Zonake i lo vulula a livati a tsutsuma.

Tisimu 78:64

A vapristi vabye va lo dawa hi supado, Ni tinoni ta kona a ti hlalukangi.

Tisimu 83:10

Lava va nga lobyiswa le Endor, Va mahile koho wa misava.

Isaya 18:6

Vontlhe va ta nyikelwa ka makoti ya lomu zitsungeni, Ni ka zivanza za khwati; A makoti ma ta vaga laha ximunwini, Ni zivanza zontlhe za khwati zi ta vaga laha wuxikeni.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 21:6

Nzi ta hlasela a vaaki va muti lowu, a vanhu ni zihari; va tafa hi ntungu wa hombe.

Jeremia 25:33

Lava va delweko hi Jehova va ta mbambamela misaveni kusukela mbhirini kala ka yinwani mbhiri ya misava; va nga ta rilelwa, hambu ku hlengeletiwa, hambu ku lahliwa, va te maha koho misaveni.

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Jeremia 34:20

nzi ta va nyikela canjeni ga valala vabye, ni canjeni ga lavo va va xuvelako a kufa, a zirumbi zabye zi ta giwa hi tinyanyani ta tilo ni zivanza za misava. Deut. 28:26; Jer. 7:33

Jeremia 36:30

Hikwalaho Jehova i ngalo xungetano ha Jehoiakimu, hosi ya ka Juda: A nga tava na nʼwana wo tshama xitshanwini xa wuhosi xa Davida; a xirumbi xakwe xi ta hoxiwa handle a munwini wa hlikanhi ni xiramini xa wusiku.

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 44:27

Nza va xiyelela kasi ku va mahela kubiha, na ku nga hi kusasa. A vanhu vontlhe va ka Juda va nga lomu tikweni ga Gipite va ta dawa hi supado ni ndlala, kala va mbhela.

Jeremia 7:33

A zirumbi za lava vanhu zi ta giwa hi tinyanyani ta tilo ni zihari za khwati; a nga kona a to zi hlongola.

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Mikosi 4:9

Lava va nga dawa hi supado i chukwana ku hunza lava va fako hi ndlala. Hakuva va jomoloka hi ku vumala zakuga za lomu masinwini.

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Zefania 1:17

Nzi ta neha a hlokiselelo xikari ka vanhu, kasi va fela ku famba khwatsi zikhumu, hakuva va onhele Jehova. A nkhata wabye wu ta hangalaswa khwatsi i tshuri, hi mimiri yabye kukotisa a koho.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Deuteronome 28:26

Ni zirumbi za nwina zi ta kuva kuga ka tontlhe tinyanyani ta tilo, ni zivanza zontlhe za misava, ni laho ku nga tava kona munhu wo zi hlongola.