Jeremia 16:19 - Tshwa Bible

¹⁹ O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 16:19 Mawu Ofanana

1 Tihosi 20:23

A malanza ya hosi ya le Siria ma te ngalo kakwe: Nungungulu wabye i nungungulu wa zitsunga, hi kota ya lezo va hi hlulile; makunu a hi lweni navo lomu libaleni, hakunene hi ta va hlula!

Tisimu 18:3

Nza khongela ka Jehova, loyi a faneleko ku dumiswa; Zonake nzi ta tlhatlhiswa mandleni ya valala va mina.

Tisimu 19:14

A timhaka ta nomu wa mina, Ni maalakanyo ya mbilu ya mina, A zi amukeleko mahlweni ka wena, Jehova, a ribye ga mina ni mutiruli wa mina.

Tisimu 27:5

Hakuva i ta nzi fihla xiluvelweni xakwe hi siku ga kuxaniseka, A nzi fihla xihundleni xa tenda gakwe; A nzi kanzihisa hehla ka ribye. Jer. 36:26

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Tisimu 62:2

Hi yena yece a nga ribye ga mina ni kuhanyiswa ka mina; I khokhola ga mina, nzi nga ta tsekatsekiswa nguvu.

Tisimu 62:7

A kuhanyiswa ka mina ni wudzunzo ga mina zi ka Nungungulu; A ribye ga ntamu wa mina, ni wuchavelo ga mina zi le ka Nungungulu.

Tisimu 65:3

A zigoho zi nzi binzela mina, Kanilezi u ta tsetselela a zihambuko za hina.

Tisimu 68:31

A tihosana ti tata hi le Gipite, Lokuloku Etiopia i ta tshambuluta a mandla yakwe ka Nungungulu. Isa. 18:7; Miti. 8:26

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 44:10

Himani a nga nga maha a nungungulu, a wumba xifananiso xi wuya xi nga mu vuni nchumu?

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Jeremia 10:3

A vamatiko va kholwa hi vanungungulu va hava. Hakuva i sinya yi tsemilweko le khwatini, Yi tiriwa hi zihloka xa muvatli;

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 12:16

Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. Deut. 6:13; Efe. 2:19

Jeremia 14:8

Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?

Jeremia 17:17

U ngavi ka mina lexi xi chavisako; Wena loyi u nga wuponelo ga mina sikwini ga khombo.

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Ezekieli 11:16

Hikwalaho wula uku: Hosi Jehova i ngalo: Hambu lezi nzi va hangalasileko xikari ka vamatiko, nzi va yisa ka matiko manwani, nzi tava wuchavelo gabye a xikhatanyana lomu ka matiko lawa va yileko ka wona.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Habakuka 3:19

Hosi Jehova hi yena a ntamu wa mina, I ta hunzula a milenge ya mina yi fanana ni ya timhuti, I ta nzi fambisa zitsungeni za mina. 2 Sam. 22:34 A ka muchuli, ku yimbelelwa ka zitende za mina.

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Va le Roma 1:25

Hakuva va lo tsika a zinene za Nungungulu va tsumba mawunwa, va lo khozela ni ku tirela a xivangwa, na ku nga hi Muvangi wa xona, loyi a khesiwako kala kupinzuka. Amen! Isa. 44:20; Jer. 13:25; 1 Tes. 1:9; 1 Joh. 5:20

1 Pedro 1:18

Ma zi tiva lezaku mu tirulwe mahanyeleni ya nwina ya hava, lawa mu tolovetilweko wona hi vakoko va nwina, 1 Kor. 6:20

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44