Jeremia 16:11 - Tshwa Bible

¹¹ Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:11 Mawu Ofanana

1 Tihosi 9:9

Va ta hlamula, vaku: Hi lezi va tsikileko Jehova Nungungulu wabye, loyi a humesileko vararu vabye le tikweni ga Gipite, va ya lanzela vanwani vanungungulu, va khizama mahlweni ka vona va va khozela; hikwalaho Jehova i rumele hehla kabye wontihe makhombo lawa,

2 Kronekele 7:22

Va ta hlamula: Hi kota ya lezi va tsikileko Jehova Nungungulu wa vadadani vabye, loyi a va humesileko tikweni ga Gipite, va ya namarela ka vanwani vanungungulu va va khizamela va va khozela; hikwalaho yena i rumele hehla kabye a zikarato zontlhe lezi.

Jeremia 13:22

Loku u wula mbilwini ya wena, uku: Zita hikuyini lezi zilo hehla ka mina ke? Tiva lezaku a nguwo ya wena yi tlakusilwe hi kota ya kubiha ka wena ka hombe. Ni zirenze za wena zi biwa. Isa. 47:2; Nah. 3:5

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 22:9

Zonake va ta hlamula, vaku: Hakuva va tsikile a xivumelwano xa Jehova Nungungulu wabye, Va ya khozela vanwani vanungungulu, ni ku va tirela.

Jeremia 44:3

hi kota ya kubiha loku va ku mahileko va vindlusa a zanga ya mina hi ku hisa tibani ni ku tirela vanwani vanungungulu, lava va nga kala va nga va tivi, hambu nwina ni vadadani va nwina.

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Mikosi 5:7

Vadadani va hina va onhile, makunu a va ha hi kona, Hi hina hi rweleko a zigoho zabye. Ekso. 20:5; Ezek. 18:2

Ezekieli 11:21

Kanilezi lava a timbilu tabye ti Tanzako a zilo zabye zo nyenyeza ni manyalataniso yabye, nzi ta va tlhelisela a mitiro yabye tihlokweni tabye, ku wula Hosi Jehova.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Malaki 3:7

Kusukela masikwini ya vararu va nwina mu hambukile milayweni ya mina, a mu yi hlayisangi. Tlhelelani ka mina, na mina nzi ta tlhelela ka nwina, ku wula Jehova wa tiyimpi. Kanilezi nwina mu ngalo: Hi ta tlhelela yini?

1 Pedro 4:3

Hakuva xi enele a xikhati lexi mu nga maha a kuranza ka vamatiko, laha mu nga famba wubhayini, ni le kunaveleni, ni le kupopiweni, ni le maguweni, ni le mabyaleni, ni le manyaleni ya ku khozela zifananiso. Efe. 2:2

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.