Jeremia 15:19 - Tshwa Bible

¹⁹ Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Jeremia 15:19 Mawu Ofanana

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Eksodusi 4:12

Wena famba, mina nzi tava ni nomu wa wena, nzi ku gonzisa lezi u ta nga zi wulawula.

Mavingu 22:29

Wa wona a munhu loyi a ti tlhariheleko ntirweni wakwe ke? ta yima mahlweni ka tihosi; nga ta yima mahlweni ka vanhu va nyalidede.

Jeremia 1:9

Zonake Jehova i lo nawuluta a canja gakwe, a khumba a nomu wa mina; na Jehova aku ka mina: Languta, nzi vekile a timhaka ta mina a nonwini wa wena.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 20:9

Loku nziku: Nzi nga ta ha mu kumbuka, Hambu ku xuxa vitweni gakwe; Zonake ku kona a mbilwini ya mina a ku fanana ni nzilo wu vurako, Na wu valelwe lomu marambyini ya mina, Nzi rerekile hi ku ti khoma, a nza ha zi koti.

Jeremia 35:19

hikwalaho Jehova wa tiyimpi, a Nungungulu wa Israeli aku: Cima ku nga ta vumaleka a wanuna ka Jonadaba nʼwana Rekabe, loye a ta nga yima mahlweni ka mina kala kupinzuka.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 6:29

A mivuvo yi buveta hi ntamu, a muthovu wu hisilwe hi nzilo; a munyekisi i nyekisile mahala, hakuva a vobiha a va susiwangi.

Mikosi 1:11

A vanhu vakwe vontlhe va keta, va lava zakuga; Va humesile titshomba tabye kasi va xava zakuga, kasi ku vuxa wutomi gabye. Jehova, hi nga nzi wona, nzi mahile munhu wo nyenyeza.

Ezekieli 2:7

U ta va byela magezu ya mina, hambu loku va ingisa kutani va nga ingisi; hakuva va hunzeletile ku hluwuka.

Ezekieli 22:26

A vaprofeti va gona va tlulile a nayo wa mina, va nyenyezisa a zilo za mina za kubasa. A va hambanyisi xikari ka leʼzo basa ni za nyalidede, ge hambu ku tivisa a vanhu a kuhambana ku nga xikari ka zilo zi basileko ni lezi zi nga basangiko. Va tsimba mahlo yabye kasi va nga woni a masabado ya mina, zonake nzi nyenyeziswa xikari kabye. Levi 10:10; Jer. 2:8; Zef. 3:4

Ezekieli 44:23

Va ta gonzisa a vanhu va mina a kuhambana ka zilo za kubasa ni za nyalidede, va va maha va tiva a zivi ni zilo zi hlazekileko.

Levi 10:10

Kasi mu ta zi kota ku hambanyisa lezi zi basileko ni lezi zi nga basangiko, ni lezi zi nga hlazekangiko ni lezi zi hlazekileko;

Levi 14:57

lezaku kasi zi fela ku kombisiwa loku zi nga hlazekangi, ni loku zi hlazekile. Hikwalaho lowu i nayo wa hlokonho.

Jona 3:2

Suka uya Niniva, a mutini lowu wa hombe, u ya kanela a mhaka leyi nzi ta nga ku leletela yona.

Zakaria 3:7

Jehova wa tiyimpi i ngalo: Loku u famba hi tindlela ta mina, u hlayisa zileletelo za mina, wena u ta fumela yindlu ya mina, u hlayisa a tihubye ta mina, nzi ta ku nyika fanelo ku tshinela xikari ka lava va yimileko lomu.

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Luka 12:12

hakuva a Moya wa ku Basa wu ta mu gonzisa hi xwalexo xikhati lezi mu faneleko a ku zi wula.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Mitiro 20:27

Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

2 Va le Korinte 5:16

Hikwalaho a ha ha tivi munhu hi ka nyama; hambu lezi hi nga mu tiva Kristu hi ka nyama, makunu a ha ha mu tivisi lezo. Mat. 12:50

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Va le Galatia 2:5

A hi va nyikangi ni mole wa ku va ingisa, ge ni xikhatanyana; lezaku kasi a zinene za ivangeli zi fela ku tshama na nwina.

Maheberu 5:14

Hakuva a kuga ku tiyileko ku fanela a vanhu kulileko, lava ve toloveleko a ku tirisa kupima kabye va kala va zi kota ku hambanyisa a kusaseka ni kubiha. 1 Kor. 2:6; Efe. 4:13; Fil. 3:15

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22