Jeremia 15:16 - Tshwa Bible

¹⁶ A timhaka ta wena nzi ti kumile, Ti lo maha kuga ka mina; Tona ti wa hi litsako ni kunengela ka mbilu ya mina, Hakuva nzi vitanwa hi vito ga wena. O Jehova Nungungulu wa tiyimpi.

Jeremia 15:16 Mawu Ofanana

Nehemia 8:12

A vanhu vontlhe va lo ti fambela va yaga, vanwa, va rumela zakuga ka vanwani, va ti tsakela, hakuva va wa ti pimile a timhaka leti ti nga wa tlhatlhambutelwe kabye.

Joba 23:12

Ge hambu ku tsika zileletelo za milomu yakwe; Nzi hlayisile a timhaka ta nomu wakwe ku hunza a mixuvo ya mina.

Tisimu 119:111

A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.

Tisimu 119:16

Nzi ta tsakela ziyimiso za wena, Nzi nga rivali a mhaka ya wena.

Tisimu 119:72

A nayo wa nomu wa wena wucukwana Ku hunza makume ya mazana ya zipanze za nzalama ni siliva.

Tisimu 119:97

E, nzi wu ranzisa kuyini a nayo wa wena! Nzi wu alakanya gontlhe siku.

Tisimu 19:10

Zi na ni lisima ku hunza nzalama, ina, a ku hunza nzalama yo tala yi hlutilweko, Zi tsombela ku hunza wulombe, ni madona ya zihahla za gona.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Ezekieli 2:8

Kanilezi wena, nʼwana wa munhu, ingisa lezi nzi ku byelako! U nga hluwuki ku fanana ni lixaka leli li hluwukileko. Ahlama a nomu wa wena, uga lezi nzi ta nga ku nyika zona.

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?