Jeremia 15:14 - Tshwa Bible

¹⁴ Nzi ta ku maha u tirela valala va wena tikweni legi u nga gi tiviko; hakuva a nzilo wa zanga ya mina wu dzivelwe, lowu wu ta nga mu hisa. Deut. 32:22

Jeremia 15:14 Mawu Ofanana

Tisimu 21:9

U ta va maha va vura khwatsi i phingo ga nzilo A sikwini ga zanga ya wena; Jehova i ta va khadamula zangeni yakwe, A nzilo wu ta va lovisa. Deut. 32:22; Jer. 17:4; Mal. 4:1

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 15:4

Nzi ta va maha a xichaviso xikari ka mifumo yontlhe ya misava, hi kota ya Manase, a nʼwana Hezekia hosi ya ka Juda, hi kota ya lezi a nga zi maha lomu Jerusalema. 2 Tih. 21:1-12

Jeremia 16:13

Hikwalaho nzi ta mu hlongola tikweni legi, muya ka tiko legi mu nga gi tiviko, nwina hambu vararu va nwina; mu ta ya tirela kona a vanwani vanungungulu a mumu ni wusiku, hakuva nzi nga ta mu zwela wuxinji. Deut. 4:27—28:36, 64

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 52:27

A hosi ya le Babuloni yi lo va daya le Ribla lomu tikweni ga Hamate. Zinghaho Juda i lo khonwa tikweni gakwe a yiswa wukhumbini.

Amosi 5:27

Hikwalaho nzi ta mu yisa wukhumbini le tlhatuko wa le Damasku, ku wula Jehova, loyi a vito gakwe a nga Nungungulu wa tiyimpi.

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Deuteronome 28:36

Jehova i ta ku yisa wena, zinwe ni hosi ya wena leyo u ta nga yi veka hehla ka wena, ka tiko lego u nga gi tiviko, hambu ni vararu va wena, leyo mu taya khozela vanungungulu vanwani va tisinya ni va maribye.

Deuteronome 28:64

Na Jehova i ta ku hangalasa xikari ka matiko wontihe, kusukela magumeso ya misava kala magumesweni manwani ya misava, hi leyo u ta ngaya khozela vanwani vanungungulu lava wena ni vararu va wena mu nga va tiviko, va nga vanungungulu va tisinya ni maribye.

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3