Jeremia 15:1 - Tshwa Bible

¹ Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 15:1 Mawu Ofanana

Genesisi 19:27

Abrahama i lo vinzuka ni mixo, aya ka wutshamu lego a nga wa yimile na Jehova;

2 Tihosi 17:20

Zinghaho Jehova i lo cukumeta pswalo wontihe wa ka Israeli, a va hlokisa, a va nyikela mandleni ya vaphangi, kala a va susa mahlweni kakwe. Vala. 2:14

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 99:6

Mosi na Aroni Va wa hi xikari ka vapristi vakwe, Na Samueli xikari ka lava va khongelako a vito gakwe; Va lo vitana ka Jehova, a va hlamula. Ekso. 8:12; Mitse. 16:20; 1 Sam. 7:9

Mavingu 14:35

A nanza gi tlharihileko ga dzunzeka ka hosi ya gona; Kanilezi a zanga yakwe yi le hehla ka loyi a wisako tingana.

Jeremia 10:18

Hakuva Jehova i ngalo: Lexi xikhati nzi ta cukumeta kule a vaaki va tiko, Nzi ta va xanisa va kala va zizwa, vaku:

Jeremia 11:14

Hikwalaho u nga va kombeleli lava vanhu; u nga dzuki u tlakusa gezu ha vona hi mikombelo, hakuva nzi nga ta vazwa a xikhati va rilako ka mina hi kota ya khombo gabye.

Jeremia 14:11

Zonake Jehova i te ngalo ka mi na: U nga kombeleli legi tiko ku hiwa zo saseka. Jer. 7:16; 11:14

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Jeremia 16:13

Hikwalaho nzi ta mu hlongola tikweni legi, muya ka tiko legi mu nga gi tiviko, nwina hambu vararu va nwina; mu ta ya tirela kona a vanwani vanungungulu a mumu ni wusiku, hakuva nzi nga ta mu zwela wuxinji. Deut. 4:27—28:36, 64

Jeremia 16:5

Hakuva Jehova i ngalo: U nga engheni ndlwini ya zirilo, u ngayi kona ku hlaluka navo, hambu ku va xanisekela; hakuva nzi susile a kurula ka mina tikweni legi, ku wula Jehova, ina, ni tipswalo ni wuxinji.

Jeremia 18:20

Xana a zinene zi ta tlheliselwa hi kubiha ke? Hakuva va kelile a nkele kasi ku hojometa a muhefemulo wa mina. Alakanya lezaku nzi yimile mahlweni ka wena, Kasi nzi va koxela zinene, Ni ku tlhelisela kule na vona a khulo ga wena.

Jeremia 22:28

Xana a munhu loyi Konia, xibya xi fayekileko ni ku nyenyiwa, lexi xi nga vuniko nchumu ke? xana i tsikelwa yini ni vanana vakwe, va ya hoxiwa ka tiko va nga gi tiviko ke?

Jeremia 23:39

hikwalaho mina nzi ta mu rivakelelwa magumo, nzi mu hlongola mahlweni ka mina, nwina ni muti lowu nzi nga wu nyika nwina ni ka vararu va nwina.

Jeremia 35:19

hikwalaho Jehova wa tiyimpi, a Nungungulu wa Israeli aku: Cima ku nga ta vumaleka a wanuna ka Jonadaba nʼwana Rekabe, loye a ta nga yima mahlweni ka mina kala kupinzuka.

Jeremia 52:3

Hi kota ya zanga yakwe Jehova i lo hlongola Jerusalema na Juda mahlweni kakwe; zonake Zedekia i lo hluwuka a hosi ya le Babuloni.

Jeremia 9:19

Hakuva a gezu ga xirilo gi zwele hi le Zioni, giku: Yowee! a lobyiselelo wa hina! Hite koyo tingana, hakuva hi yimelwe ku tsika tiko, Hakuva va hahlulile a tiyindlu ta hina.

Ezekieli 14:14

hambu loku a vavanuna lava vanharu, a va Noa na Danieli na Joba, va wa tshamile xikari ka gona, va wa ta ponisa a wutsumbu gabye ntsena hi kululama kabye, ku wula Hosi Jehova.

Ezekieli 22:30

Nzi lavile a munhu xikari kabye loyi a ta nga bhiya lihlavu, a yima laha vangeni mahlweni ka mina a lwela tiko, lezaku nzi nga gi lovisi, kanilezi a nzi mu kumangi.

Hosea 9:15

A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Zakaria 3:3

Joxua i wa ambele a tinguwo to nyenyeza, na a yimile mahlweni ka ngelosi.

Deuteronome 9:26

Nzi lo khongela ka Jehova, nziku: Hosi Jehova, u nga lovisi a vanhu va wena ni tshomba ya wena, lava u nga va tlhatlhisa hi wukulu ga wena, lava u nga va humesa le Gipite hi canja ga ntamu.

Maheberu 9:24

Hakuva Kristu a nga enghenangi Wutshanwini go Basabasa gi mahilweko hi mandla, legi gi nga xifananiso ntsena xa legi ga ginene; kanilezi i lo enghena kona tilweni ha koce, kasi ku hi yimela makunu mahlweni ka Nungungulu. Rom. 8:34; 1 Joh. 2:1

Valamuli 5:9

A mbilu ya mina yi ka vafumeli va ka Israeli, Ni ka vanhu lava va ti nyikeleko hi kuranza kabye. Khesani Jehova!

1 Samueli 12:19

Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 7:9

Samueli i lo teka a xiyivana xa ha anwako, a xi nyikela xontlhe xi maha munyikelo wa kuhiswa ka Jehova. Zonake Samueli i lo khongelela va ka Israeli ka Jehova, na Jehova i lo mu hlamula.