Jeremia 14:16 - Tshwa Bible

¹⁶ A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 14:16 Mawu Ofanana

Mavingu 1:31

Hikwalaho va taga mbhanzo wa mahanyela yabye, a ta xuriswa hi makungo yabye.

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Isaya 9:16

Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 20:6

Na wena Paxuri, ni vontlhe va tshamako ndlwini ya wena mu ta yiswa kukhonweni. Wena u taya Babuloni, laho u ta fela kona, ni ku lahlelwa kona zinwe ni maxaka ya wena wontihe, lawo u nga ma profetela mawunwa,

Jeremia 27:15

Hakuva a nzi va rumangi, ku wula Jehova, vo profeta mawunwa hi vito ga mina, kasi mina nzi fela ku mu papaxela, mu lova, nwina ni vaprofeti lava va mu profetelako.

Jeremia 4:18

A mahanyela ya wena ni mitiro ya wena zi ku vuxele lezi zilo, Hi wona mbhanzu wa kubiha ka wena, Kunene wa bava, ka bayisa ni lomu mbilwini.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 7:33

A zirumbi za lava vanhu zi ta giwa hi tinyanyani ta tilo ni zihari za khwati; a nga kona a to zi hlongola.

Jeremia 8:1

A ka lexo xikhati, ku wula Jehova, a marambu ya tihosi ni tihosana ta ka Juda, ni marambu ya vapristi ni marambu ya vaprofeti, ni marambu ya vaaki va le Jerusalema, ma ta vevulwa lomu minkeleni yabye;

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Jeremia 9:20

Nwina vavasati, ma nga zwani a mhaka ya Jehova, Ngha a tindleve ta nwina ti amukela a gezu ga nomu wakwe. Gonzisani a xirilo ka vana va nwina va xisati, Munwe ni munwani a gonzisa munghana wakwe a lisimu la xirilo.

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Ezekieli 39:14

Va ta hlawula a vanhu va ta nga fambafamba lomu tikweni va lahla lava va nga wa hunza, lava va seleko livaleni, kasi ku basisa a tiko. Loku ku mbhelile a tihweti leti ta ntlhanu ni timbiri va ta huma va ya lava.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Kuvululelwa 16:1

Zonake nzi lozwa a gezu ga hombe gi huma tempeleni, giku ka tingelosi ta ntlhanu ni timbiri: Fambani mu ya halata misaveni a ntlhanu wa mikhelo ni yimbiri ya zanga ya Nungungulu. Xip. 14:10