Jeremia 14:13 - Tshwa Bible

¹³ Zonake nzi te ngalo: Ha, Hosi Jehova, a vaprofeti va wula kabye, vaku: Mu nga ta wona supado, hambu kuva ni ndlala; kanilezi nzi ta mu nyika a kurula ku tiyileko a wutshanwini legi.

Jeremia 14:13 Mawu Ofanana

Isaya 56:10

A varinzeli vakwe vontlhe zikhumu, a va tivi nchumu; Vona vontlhe timbyana ta ziwiri, a va zi koti ku wukula; Mba miloro wurongweni gabye, va ranza ku khudzehela.

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Jeremia 20:6

Na wena Paxuri, ni vontlhe va tshamako ndlwini ya wena mu ta yiswa kukhonweni. Wena u taya Babuloni, laho u ta fela kona, ni ku lahlelwa kona zinwe ni maxaka ya wena wontihe, lawo u nga ma profetela mawunwa,

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 37:19

Va kwihi makunu a vaprofeti va nwina lava va nga profeta ka nwina, vaku: A hosi ya Babuloni yi nga ta mu vukela hambu a ku vukela tiko legi ke?

Jeremia 4:10

Zonake nzi lo wula mina, nziku: Ha, Hosi Jehova, hakunene u khohlisile nguvu a vanhu lava ni Jerusalema, uku: Nwina mu tava ni kurula. Kasike a supado ya va tlhava, va kusuhi ni kufa. 2 Tih. 22:18; Jer. 14:13

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 5:13

A vaprofeti i mheho ntsena, a Gezu a gi kona kabye; lezi va zi wulako zi ta humelela kabye.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 6:14

A va khatalangi ku chuma a ti mbanga ta vanhu va mina, Vaku: Ku rulile, ku rulile! Na ku nga hi na kurula. Mika 3:5; 1 Tes. 5:3

Jeremia 8:11

A va cheli kota ku chuma a mbanga ya nhwana wa vanhu va mina, Vaku: Ku rulile, ku rulile, kasi a ku na kurula.

Ezekieli 12:24

Hakuva ku nga ha ta kuva kona a xiprofeto xa hava ni kuvumba ka kukanganyisa a ndlwini ya ka Israeli.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

2 Pedro 2:1

Kanilezi ku wa humelela ni vaprofeti va mawunwa xikari ka vanhu, kota lezi ku ta nga huma xikari ka nwina a vagonzisi va mawunwa, lava va ta nga enghenisa hi tlhelo a gonzo yi lovisako, va kaneta hambu ni Hosi leyi yi nga va xava, va ti nehela a kulobyiswa loku ku hatlisako. Deut. 13:1; Mat. 24:11; Fil. 3:19