Jeremia 14:10 - Tshwa Bible

¹⁰ Jehova i wula hi tiko legi, aku: Va ranza ku pepetseka kota lezi, A va ti khomangi kufambeni ka bye; Hikwalaho Jehova a nga xalaliswi ha vona; Makunu i ta alakanya a kusoholoka kabye, a tsayisa zionho zabye.

Jeremia 14:10 Mawu Ofanana

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

Tisimu 119:101

Nzi potsolokisile milenge ya mina tindleleni tontlhe ta kubiha, Kasi nza gonga a mhaka ya wena.

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Jeremia 2:36

Hikuyini u hatlisako nguvu ku hunzula a ndlela ya wena ke? Hi Gipite kambe u ta wisiwa tingana Kotisa lezi u nga wisiwa tingana hi Assiria. 2 Kro. 28:20

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Ezekieli 29:16

Wu nga ta ha tsumbiwa hi yindlu ya ka Israeli, hakuva wu ta va alakanyisa hi kuonha kabye laha va nga hunzulukela ka wona. Va ta zi tiva lezaku hi mina Hosi Jehova.

Hosea 11:7

A vanhu va mina va bohile xifungo xo nzi fularela, hambu loku va vitanwa a kuya ka loyi a nga hehla, a nga kona ni munwe a mu tlakuselako a mbilu yakwe.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Hosea 7:2

A va khumbuli timbilwini tabye lezaku nza alakanya a kubiha kabye. Makunu a zimaho zabye zi va ranzele, zi le mahlweni ka mina.

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 9:9

Va ti wisile kuonheni ka hombe a ku khwatsi hi masikwini ya le Gibea. I ta alakanya a zigoho zabye a vaba hi kota ya zionho zabye.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Maheberu 8:12

Hakuva nzi ta maha wuxinji nzi va tsetselela a kubiha kabye, Cima nzi nga ta ha alakanya a zionho zabye. Rom. 11:27

1 Samueli 15:2

Jehova wa tiyimpi i ngalo: Nzi alakanyile lezi Amaleki a mahileko ka Israeli, lezaku i lo huma a ya vukela Israeli laha ndleleni xikhatini lexo va nga wata hi le Gipite. Ekso. 17:8; Deut. 25:17