Jeremia 13:27 - Tshwa Bible

²⁷ Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 13:27 Mawu Ofanana

Tisimu 94:4

Va byabyatsa za ku ti kukumukisa; Vontlhe vagohi va ti kulisa.

Tisimu 94:8

Pimisisani nwina zipumbu xikari ka vanhu, Na nwina maphuphulu, mu ta tlhariha rini?

Mavingu 1:22

Nwina zipumbu, ku ta kala kuva rini na ma ha ranza wupumbu ke? vatseketseli va ta xalaliswa hi kutseketsela, i zipumbu zi ta venga wutivi kala rini ke?

Isaya 57:7

U andlele a sango ga wena xitsungeni xi tlakukileko, Hi laho kambe u kanzihileko a ku ya phahlela hi timhamba.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 11:15

Xiranzwa xa mina i maha yini lomu ndlwini ya mina lezi a mahileko a manyala yo hlaya ke? A zifungo ni nyama yi basileko zi nga susa a kubiha ka wena ke? Loku u maha zo biha hi kona u tsakako!

Jeremia 3:6

Jehova i lo wula ka mina masikwini ya hosi Josia, aku: Xana u wonile lezi Israeli a wasati loyi a hambukileko a nga zi maha ke? Yena i kanzihile a zitsunga zontlhe zi tlakukileko, ni hasi ka tontlhe tisinya to nyuka, kwalomo i na si hutsetse wubhayini. 2 Tih. 17:10

Ezekieli 16:23

Anzhako ka kubiha ka wena kontlhe (Khombo, khombo ka wena! ku wula Hosi Jehova),

Ezekieli 2:10

Yena i lo gi tshambuluta mahlweni ka mina; gi wa tsalilwe lomu nzeni ni lahandle. Ku wa tsalilwe ka gona a xirilo, ni mikosi, ni makhombo.

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 24:12

Yi nzi rerile hi ntiro wa kona, kanilezi a kutshutshumbala ka yona ko tala a ku suki; a kutshutshumbala ka yona ku lomu nzilweni.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Ezekieli 24:6

Hikwalaho Hosi Jehova i ngalo: Yowe, a muti lowu wa nkhata, a mbita leyi yi tshutshumbeleko, leyi a kutshutshumbala ka yona ku nga sukiko! Zi tsawule a zitluwu za yona, mu nga zi mahi khwatsi tihlolo.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Ezekieli 6:13

Nwina mu ta zi tiva lezaku nzi mina Jehova, laha a vanhu vabye va delweko va mbambamela xikari ka zifananiso zabye, ni lomu matlhelweni ya maganzelo yabye, ni ka miganga yontlhe, ni lomu hehla ka zitsunga, ni lomu hasi ka tisinya to nyuka, ni hasi ka tisinya tontlhe ta mikuhlu, laho va nga mahela kona a minyikelo yo nuhela ka zontlhe zifananiso zabye.

Hosea 1:2

Laha Jehova a nga ranga a wulawula na Hosea, aku: Famba, uya teka a sati wa wubhayi ni vanana va wubhayi, hakuva a tiko ga maha wubhayi gi fularela Jehova. Vala. 8:33; Ezek. 16:15

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Zefania 3:1

I khombo ka muti lowu wu ti alisako, loʼwo nyenyeza, a ka muti wa vatsimbeketi!

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Kuvululelwa 8:13

A muwonisweni wa mina nzi lozwa a gama na gi kari gi puruma ndengelengeni ya tilo, giku hi gezu ga hombe: Khombo, khombo, khombo a give ka lava va akileko misaveni, laha ku ta nga biwa a mimpunzu ya tingelosi leti tinharu leti ta ha lavako kuba. Xip. 9:12; 11:14; 14:6; 19:17