Jeremia 13:21 - Tshwa Bible

²¹ U ta kuyini loku a veka hehla ka wena a maxaka ya wena u fumelwa hi wona? Hi wena u va gonzisileko a kuva venyi va wena. Xana zi nga ta bayisa ka wena kota wasati a lunwako ke?

Jeremia 13:21 Mawu Ofanana

2 Tihosi 16:7

Zonake Ahaza i lo rumela mitsumi ka Tiglate-Pilesera a hosi ya le Asiria, aku kakwe: Mina nzi nanza ga wena tlhelo nʼwana wa wena. Kanziha u ta nzi hlanguta mandleni ya hosi ya le Siria ni mandleni ya hosi ya ka Israeli, a tihosi ti tileko ku ta nzi vukela.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 13:8

Va chava, va khomiwa hi hlenekera ni kuxaniseka, Va tava kubayisekeni kukotisa a wasati loku a lunwa. Va cuwukana hi ku hlamala, a tinghohe tabye tiku khwatsi i nzilo.

Isaya 21:3

Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Jeremia 2:25

Chela kota lezaku a nkonzo wa wena wu nga lahlekelwi hi xilato, Ni nkolo wa wena a kuva ni tora. Kanilezi wena u ngalo: Wa ti karatela mahala, Hakuva nzi ranza a vanungungulu va vamatiko, Nza ha ta va lanzela.

Jeremia 22:23

Wena loyi u akileko Lebanoni, U nga ni xisaka xa wena maravini ya tisedare, Kuxaniseka ka kuyini u tova nako Loku u humelwa hi makhombo, A kubayisa kota a wasati a lunwako;

Jeremia 30:6

Wutisani makunu, xana a wanuna a nga zi kota ku pswala ke? Hikuyini nzi wonako a vavanuna a munwe ni munwani a ti khomako xiwunu kota wasati a lunwako ke? Hikuyini a tinghohe tontlhe ti tshuvikileko ke?

Jeremia 38:22

Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 4:30

U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 6:24

Hi zwile a wudumo gabye, a mawoko ya hina ma mbhela ntamu, Hi telwe hi hlanekera ni kubayisa ko kota wasati a lunwako.

Ezekieli 28:9

Xana u ta wula ka loyi a ta nga ku tlhava, uku: Nzi nungungulu? kasi lezo a ku nungungulu, kanilezi u munhu a canjeni ga loyi a ku khuvazako.

Mateu 24:8

Kanilezi zontlhe lezi kusangula ntsena ka kuxaniseka.

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6