Jeremia 13:19 - Tshwa Bible

¹⁹ A miti ya le Dzongeni yi valilwe, A nga kona a to yi vulula; Vontlhe va ka Juda va yisilwe kukhonweni, A ku salangi ni munwe.

Jeremia 13:19 Mawu Ofanana

2 Tihosi 25:21

A hosi ya le Babuloni yi lo va daya le Ribla, le tikweni ga le Hamate. Zinghaho a vaJuda va lo yiswa le wukhumbini ga le kule ni tiko gabye.

1 Kronekele 9:1

Zinghaho vontlhe va ka Israeli va wa hlayilwe hi zizukulwana, va tsaliwa lomu bhukwini ga tihosi ta ka Israeli. A va ka Juda va wa khomilwe va yiswa wukhumbini le Babuloni hi kota ya zionho zabye.

Joba 12:14

Lezi yena a khungumulako, a zi na ku aketwa; Loku a valela munhu, a nga kona a nga mu vululelako.

Jeremia 17:26

Va tata hi le mitini ya Juda, ni le matlhelweni ya Jerusalema, ni le tikweni ga Benjamini, ni mikoveni, ni le zitsungeni, ni le Dzongeni, va neha minyikelo yo hiswa ni miphahlo, ni minyikelo ya mapa, ni hlakati, ni minyikelo ya ku khesa lomu ndlwini ya Jehova.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Jeremia 24:1

Anzhako ka kuve Nebukadrezzare, a hosi ya Babuloni, a yisile kukhonweni Jekonia, a nʼwana Jehoiakimu hosi ya ka Juda, ni tihosana ta ka Juda, ni vavatli ni vabethi va nyunzu, vota hi Jerusalema, va yiswa Babuloni, Jehova i lo nzi wonisa a zirunzu zimbiri za makuwu, na zi vekilwe nyangweni ya tempeli ya Jehova. 2 Tih. 24:15; 2 Kro. 36:9

Jeremia 28:4

Kambe nzi ta wuyisa ka legi wutshamu Jekonia a nʼwana Jehoiakimu, hosi ya ka Juda, ni tontlhe tikhumbi ta ka Juda, ti yisilweko le Babuloni, ku wula Jehova; hakuva nzi ta pfutlata a muyoko wa hosi ya Babuloni. 2 Tih. 24:12

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:13

Lomu mitini ya le zitsungeni, ni le mitini ya tiluwa, ni lomu mitini ya Dzonga, ni le tikweni ga Benjamini, ni lomu matlhelweni ya Jerusalema, ni lomu mitini ya Juda, a mitlhambi ya ha ta hunza hi mandleni ya vahlayi, ku wula Jehova.

Jeremia 39:9

A vanhu va nga sala mutini, ni lava va seleko lomu tikweni, zinwe ni vapfowoli lava va nga ti nyikele, va lo yiswa Babuloni hi Nebuzaradani a nduna ya vanyakasani.

Jeremia 52:27

A hosi ya le Babuloni yi lo va daya le Ribla lomu tikweni ga Hamate. Zinghaho Juda i lo khonwa tikweni gakwe a yiswa wukhumbini.

Jeremia 52:28

A tsengo wa vanhu lava Nebukadrezzare a nga va khoma a va yisa wukhumbini hi lowu: Hi lembe ga wuntlhanu ni mambiri, 3,023 wa vaJuda;

Jeremia 52:30

hi lembe ga 23 ga kufuma ka Nebukadrezzare, Nebuzaradani a nduna ya vanyakasani i lo khoma 745 wa vaJuda, a va yisa wukhumbini: a vanhu vontlhe va wa hi 4,600.

Mikosi 1:3

Juda i yile matikweni hi kota ya kuxaniseka ni wunanza ga hombe; I tshama xikari ka vamatiko, a nga kumi kurula; A vaxanisi vakwe vontlhe va mu khamanyetile kubayisekeni kakwe.

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

Deuteronome 28:15

Kanilezi loku u nga ingisi a gezu ga Jehova Nungungulu wa wena, ni ku hlayisa yontlhe milayo yakwe ni zontlhe zileletelo zakwe, lezi nzi ku leletelako zona inyamutlha, wontihe makhombo lawa ma tata hehla ka wena ma ku khubhunyeta. Mik. 2:17; Mal. 2:2

Deuteronome 28:52

Na vona va ta ku vimbezela lomu mitini ya wena yontlhe, kala kuwa lahasi wontihe a makhokhola lawa ma gingisilweko hi ntamu, walawo u ma tsumbako lomu tikweni ga wena gontlhe. Va ta ku hlasela lomu mitini ya wena yontlhe, lomu ka tiko legi Jehova Nungungulu wa wena a nga ku nyika gona.

Joxua 18:5

Na vona va ta avanyisela a ntlhanu wa ziavelo ni zimbiri. Juda i ta tshama lomu tikweni gakwe le Dzongeni, ni yindlu ya ka Josefa yi ta tshama lomu tikweni ga yona le Nwalungu.