Jeremia 13:17 - Tshwa Bible

¹⁷ Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 13:17 Mawu Ofanana

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Isaya 63:11

Zonake va lo khumbula masiku ya kaleloko xikhatini xa Mosi, vaku: I kwihi loyi a nga va humesa lomu bimbini, Zinwe ni varisi va tlhambi wakwe? I kwihi loyi a nga veka Moya wakwe wu basileko xikari kabye? Ekso. 14:29; Mitse. 11:25

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 15:17

A nzi tshamangi tlhanganweni wa vatseketseli, nzi tsaka kona; Hi kota ya canja ga wena nzi tshamile nzoce, Hakuva u nzi tatisile hi khulo. Isa. 8:11; Ezek. 3:14

Jeremia 17:16

Mina a nzi alangi a kuva murisi loyi a te ku dota hi lenzhako, A nzi navelangi a siku ga khombo; wena wa zi tiva. Lezi zi humeleko milonwini ya mina zi wa wulilwe mahlweni ka wena.

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 23:1

Khombo a ka varisi lava Va onhako ni ku hangalasa a tiyivu ta wuriselo ga mina! ku wula Jehova. Jer. 10:21; Ezek. 34:2

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Mikosi 1:16

Hi lezi zi nzi rilisako, mahlo ya mina ma halaka mihloti; Hakuva a muchaveleli loyi a nga te ngha a vuxa moya wa mina i le kule. A vana va mina va le kuxanisekeni hakuva a nala i hlulile.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:18

A timbilu tabye ti rilile ka Hosi: Khurisi ga nhanyana wa Zioni, a wusiku ni mumu a mihloti ngha yi khulunga ku fana ni congo; U nga dzuki u humula, a tihlo ga wena gi nga tsiki ku rila.

Mikosi 3:48

A mahlo ya mina ma halata micongo ya mati, Hi kota ya kulobyiswa ka nhanyana wa tiko ga mina.

Ezekieli 24:16

Nʼwana wa munhu, Languta, hi xitshuketi nzi ta ku tekela lexi xi ranziwako hi mahlo ya wena; kanilezi u nga ta rila, hambu kuba nkosi, ni mihloti ya wena yi nga ta xilila.

Ezekieli 34:31

Nwina tiyivu tanga, a ntlhambi nzi wu risako, mu vanhu; mina nzi Nungungulu wa nwina, ku wula Hosi Jehova.

Ezekieli 36:38

A marumbi ma ta tlhela ma tala hi mitlhambi ya vanhu, a ku fanana ni mitlhambi ya miphahlo, kukotisa a mitlhambi ya tiyivu le Jerusalema xikhatini xa mibuzo ya gona; vona va ta zi tiva lezaku hi mina Jehova.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

1 Samueli 15:35

Samueli a nga ha engetangi kambe a wonana na Saule kala siku ga kufa kakwe, hakuva Samueli i lo rilela Saule, hakuva Jehova i wa ti laya hi lezi a nga yimisa Saule a kuva hosi ya ka Israeli.