Jeremia 13:16 - Tshwa Bible

¹⁶ Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 13:16 Mawu Ofanana

Joba 3:5

A gi labyiwe hi munyama ni nzhuti wa kufa, Ngha a refu gi gi khubhunyeta, A gi dzukiswe hi zontlhe leʼzi nga phumisako hlikanhi.

Tisimu 107:10

Lava va tshamileko munyameni ni nzhutini wa kufa, Na va bohilwe hi zixaniso ni ziketse,

Tisimu 107:14

I lo va humesa munyameni ni le nzhutini wa kufa, A pulakanyisa makhotso yabye.

Tisimu 29:2

Hlayelani Jehova a wudumo gi faneleko a vito gakwe, Khizamelani Jehova na mu ambele zo basa.

Tisimu 44:19

Lezi u hi tshovileko wutshanwini ga mahlolwa, U hi sireta hi nzhuti wa kufa.

Eksodusi 10:21

Jehova Uku ka Mosi: Tlakusa a canja ga wena le hehla kasi ku fela kuva kona munyama lomu tikweni gontlhe ga Gipite; a munyama lowu wu ta nga zwakala ka vanhu.

Mavingu 4:19

A ndlela ya vaonhi yi fana ni munyama, va xi tivi lexi xi va khubekisako.

Mutshawuteli 11:8

Hambu loku munhu a hanya malembe yo tala, ngha a tsaka ka wona wontihe; kanilezi a a alakanye a masiku ya munyama, hakuva ma tava manyingi. Zontlhe lezi zi ta nga humelela a zi nyawuli.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 59:10

Hi hulumetela lomu makhurisini khwatsi zikhumu, Ina, hi hulumetela kota lava va nga hiko na mahlo; Hi khubeka ni hlikanhi khwatsi hi loku ku hi wusiku, Xikari ka lava va nga ni ntamu hi fanana ni vanhu va fileko.

Isaya 59:9

Hi kota ya lezo a nongameto wu le kule na hina, A kululama a ku hi chikeleli; Hi langutela kuwonekela hi ku ma munyama, Hi cuwukela hlikanhi kanilezi hi famba kuphumeni.

Isaya 60:2

Languta, a munyama wu fenengetile misava, Ni kuphuma ku fenengeta a matiko; Kanilezi Jehova i ta woneka hehla ka wena, Ni kungangamela kakwe ku ta woniwa ka wena. Joh. 1:5, 9, 14

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 23:12

Hikwalaho a ndlela yabye yi tava ni matshamu ma retemukako munyameni, Va ta susumetiwa va wela kona. Nzi ta va nehela khombo a ka lembe ga kubiwa kabye, ku wu la Jehova.

Jeremia 4:23

Nzi wonile a misava, Yi wa nga hi na xiwumbeko, yi nga hi na nchumu; Nzi cuwuka matilo, ma wa nga hi na kuwonekela.

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Jeremia 6:21

Hikwalaho Jehova i ngalo: Nzi ta vekela tiko legi a zikhunguvanyiso, a vapswali ni vanana va ta khunguvanyeka khatiginwe, a muakelwani ni munghana wakwe va ta lova zinwe.

Jeremia 8:15

Hi wa lavelele kurula, kanilezi a ku tangi kusasa, Hi lavelele a xikhati xo chumiwa, kasi kuchava ku kona!

Mikosi 4:17

A mahlo ya hina ma rerekela mahala hi ku cuwukela ku kutani hi ta kuma kuvuniwa, Kurinzeleni ka hina hi rinzele a tiko legi gi nga zi kotiko ku hi hanyisa.

Ezekieli 21:15

Nzi dembile a wutla ga supado ka tontlhe tinyangwa tabye, kasi a timbilu tabye ta nyekiswa, ku enzelekiswa lava va wako. Ha! yi mahilwe ku kwezima, yi dembilwe kasi ku hlasela.

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Ezekieli 36:15

Nzi nga ta ku tsika uzwa kambe a xiruko xa matiko, hambu ku rwala a nzhukano ya vanhu; u nga ta khunguvanyisa a tiko ga wena kambe, ku wula Hosi Jehova.

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Amosi 5:18

I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Johani 12:35

Jesu aku ngalo kabye: A kuwonekela ka ha hi na nwina a xikhatanyana. Fambani na ma ha hi ni kuwonekela, kasi a munyama wu nga mu kamanyeti. Loyi a fambako munyameni a nga ku tivi laha a yako kona. Jer. 13:16; Xip. 1:9; 11:10

Joxua 7:19

Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

1 Samueli 6:5

Hikwalaho mu ta maha zifananiso za zidlayi za nwina ni zifananiso za makondlo lawa ma xakelako a tiko ga nwina, zonake mu ta dzunza Nungungulu wa ka Israeli, kutani i ta hehukisa a canja gakwe hehla ka nwina, ni ka vanungungulu va nwina, ni ka tiko ga nwina.