Jeremia 13:14 - Tshwa Bible

¹⁴ Nzi ta va pswhandlasa, va fayana, a vararu ni vana, ku wula Jehova. Nzi nga ta va hawukela, hambu ku va tsetselela, nzi nga tava ni tipswalo lezaku nzi nga va lovisi.

Jeremia 13:14 Mawu Ofanana

2 Kronekele 20:23

Hakuva a va ka Amoni ni maMoabi va lo vukela a vaaki va xitsunga xa Seire, va va hlasela va va lovisa; laha va nga wa mbhetile a vaaki va le Seire, va lo hlaselana ha voce. Vala. 7:22; 1 Sam. 14:20

Joba 27:22

Hakuva Nungungulu i ta mu tlhava, a nga mu neneki; I ta lava ku nyemuka canjeni gakwe a tsutsuma.

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Jeremia 15:5

Himani a to ku zwela wusiwana, O Jerusalema? Himani a to ku xanisekela? Himani a to ku yela kasi ku wutisa wutomi ga wena ke?

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 16:5

Hakuva Jehova i ngalo: U nga engheni ndlwini ya zirilo, u ngayi kona ku hlaluka navo, hambu ku va xanisekela; hakuva nzi susile a kurula ka mina tikweni legi, ku wula Jehova, ina, ni tipswalo ni wuxinji.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 25:16

Va tanwa lezaku va dedereka ni ku hunguka, hi kota ya supado leyi nzi to yi rumela xikari kabye.

Jeremia 47:3

Hi kota ya zigingi za mahaxi yakwe, Ni guwa ga kutsutsuma ka tikareta takwe, Ni guwa ga maranzani ya tona, A vabeleki a va ha cuwuki vanana vabye hi kota ya kurereka ka mawoko,

Jeremia 48:12

Hikwalaho, a masiku mata, Ku wula Jehova, Lawa nzi ta nga mu rumela ha wona a vahalati, Lava va ta nga mu byeketa; Va ta halata a tifuko takwe, Va faya a miphata yakwe.

Jeremia 6:21

Hikwalaho Jehova i ngalo: Nzi ta vekela tiko legi a zikhunguvanyiso, a vapswali ni vanana va ta khunguvanyeka khatiginwe, a muakelwani ni munghana wakwe va ta lova zinwe.

Mikosi 2:21

A vanana ni zikhosana va wile lahasi lomu maruweni, A vanhwana va mina ni majaha ya mina va delwe hi supado. U va dele hi siku ga zanga ya wena; u va hihiritile u nga va tsetsi.

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Ezekieli 7:3

Makunu a kugumelwa ka wena ku chikele, nzi ta rumela a zanga ya mina hehla ka wena, nzi ta ku lamula kukotisa mahanyela ya wena; nzi ku tlhelisela wontihe a manyalataniso ya wena.

Ezekieli 7:4

A mahlo ya mina ma nga ta ku nyenyeletela, nzi nga ta ku zwela wusiwana, hakuva nzi ta ku tlhelisela kukotisa mahanyela ya wena, ni manyalataniso ya wena ma tava xikari ka wena, mu ta zi tiva lezaku nzi mina Jehova.

Ezekieli 7:9

A mahlo ya mina ma nga ta ku nyenyeletela, nzi nga ta ku zwela wusiwana. Nzi ku tlhelisela kukotisa mahanyela ya wena, ni manyalataniso ya wena ma tava xikari ka wena; mu ta zi tiva lezaku mina Jehova nzaba,

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Ezekieli 9:5

Ni ka vanwani i te ngalo a tindleveni ta mina: Mu lanzeleni, mu tsemakanya xikari ka muti mu hlasela. Ngha mu nga va nyenyeleteli, ne ni ku zwela wusiwana.

Hosea 2:4

Nzi nga ta hawukela a vana vakwe, hakuva i vana va wubhayi.

Zakaria 11:6

Hakuva nzi nga ta ha va zwela wusiwana a vaaki va tiko, ku wula Jehova. Kanilezi nzi ta nyikela munwe ni munwani mandleni ya muakelane wakwe, ni mandleni ya hosi yakwe. Va ta onha tiko, kanilezi nzi nga ta va tlhatlhisa mandleni yabye.

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

Marku 13:12

Makabye i ta nyikela makabye kudayiweni, ni raru a nyikela nʼwana wakwe; a vana va ta vukela vapswali vabye, va va dayisa. Mika 7:6; Mat. 10:21; Lu. 21:16

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

1 Samueli 14:16

A varinzeli va Saule lava va nga hi le Gibea ga ka Benjamini va lo wona a vanyingi lava va nga wa hangalaka, va tsutsuma ka wontihe matlhelo.