Jeremia 12:7 - Tshwa Bible

⁷ Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

Jeremia 12:7 Mawu Ofanana

2 Tihosi 21:14

Nzi ta hoxa a misalela ya vanhu va mina, nzi va nyikela mandleni ya valala vabye, va phangiwa va khomiwa hi valala vabye vontlhe;

Tisimu 106:40

A zanga ya Jehova yi lo vukela tiko gakwe, Laha kaku a swireka hi tshomba yakwe.

Tisimu 78:62

A nyikela vanhu vakwe ka supado, A zangarela a tshomba yakwe.

Isaya 2:6

Jehova, u tsikile a vanhu va wena, a yindlu ya Jakobe, hakuva va tele hi mikhuwo ya le Mutsuwuka-gambo, zitumbe khwatsi maFilistia, va catana wunghana ni vamatiko.

Jeremia 11:15

Xiranzwa xa mina i maha yini lomu ndlwini ya mina lezi a mahileko a manyala yo hlaya ke? A zifungo ni nyama yi basileko zi nga susa a kubiha ka wena ke? Loku u maha zo biha hi kona u tsakako!

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 23:33

Loku vanhu lava, kutani muprofeti, kutani mupristi, va ku wutisa vaku: Hi wihi a nzhwalo wa Jehova ke? zonake u ta va hlamula, uku: Hi nwina a nzhwalo wa kona! Nzi ta mu chokola, ku wula Jehova.

Jeremia 23:39

hikwalaho mina nzi ta mu rivakelelwa magumo, nzi mu hlongola mahlweni ka mina, nwina ni muti lowu nzi nga wu nyika nwina ni ka vararu va nwina.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Jeremia 7:14

Hikwalaho nzi ta maha ka leyi yindlu yi vitwako hi vito ga mina, yaloyi mu yi tsumbako, ni ka wutshamu legi nzi gi nyikileko ka nwina ni ka vararu va nwina, kotisa lezi nzi mahileko ka Xilo. 2 Kro. 7:16

Jeremia 7:29

Halula a misisi ya hloko ya wena, u yi cukunyeta, o Jerusalema, u ya maha nkosi le zitsungeni, hakuva Jehova i alile ni ku tsika a xizukulwana lexi xi vuxileko a zanga yakwe.

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Hosea 11:1

Laha Israeli a nga wa hi nwanana, nzi lo mu ranza, nzi vitana a nʼwana wa mina a huma le Gipite. Ekso. 3:8; Mat. 2:15

Hosea 9:15

A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Joeli 2:15

Banani a mpunzu le Zioni, mu yimisa a siku ga kuyila, mu ramba a hlengeletano ya ximuse. Mitse. 10:2; Jona 3:5

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Deuteronome 33:12

Ha Benjamini i te ngalo: Xiranzwa xa Jehova, I ta tshama kuruleni zinwe na yena; Jehova i ta mu fenengeta kala kupinzuka, Yena i ta tshama makatleni ya yena.