Jeremia 12:11 - Tshwa Bible

¹¹ Va gi onhile, Ga rila ka mina hakuva gi mahisilwe rumbi; A tiko gontlhe gi mahile rumbi, Hakuva a ku na munhu a gi chelelako kota.

Jeremia 12:11 Mawu Ofanana

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 57:1

Loyi a lulamileko wafa, Kanilezi a ku na munhu zi mu henyako mbilu; A vakhongeli va susiwa, Kanilezi a nga kona a zi khatalelako. Loyi a lulamileko a susiwa mahlweni ka leʼzo biha

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 14:2

Juda wa rila, a miti yakwe yi mbhelile ntamu, Va tshama hasi na va ambele zilenda; A huwa ya zwala hi le Jerusalema.

Jeremia 19:8

Nzi ta maha muti lowu wuva xirewukiso ni xiruko; wihi ni wihi a to hunza ha kona i ta rewuka le go kala aba noti hi ku hlamala hi kota ya wontihe a makhombo lawo.

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 25:11

Gontlhe legi tiko gi tava marumbi ni xirewukiso; ni matiko laya ma ta tirela a hesi ya Babuloni a 70 wa malembe.

Jeremia 4:20

Ka biwa hungu hi lobyiselelo hehla ka lobyiselelo, Hakuva tiko gontlhe gi hahlulwe. A matenda ya mina ma khungumulwa hi xitshuketi, Ni mixaxa ya mina hi xikhatanyana.

Jeremia 4:27

Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Jeremia 6:8

Hunzuluka, O Jerusalema, kasi nzi nga ku fulareli, Nzi ku maha a rumbi, a tiko gi nga hiko na muaki.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Jeremia 9:9

Xana mina nzi nga ta va tsayisa hi kota ya lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Joeli 1:10

A masimu ma gohilwe, a tiko gontlhe gi le nkosini, hakuva a mavele ma gohekile, a vinya giswa gi pswhile, ni mafura ma womile.

Levi 26:32

Nzi ta hangalasa a tiko, laha kaku a valala va nwina lava va tshamako ka gona va hlamala nguvu, Jer. 19:8; 25:9

Zakaria 7:5

Byela vanhu vontlhe va tiko ni vapristi, uku: Laha mu nga yila mu maha hlomulo hi hweti ya wuntlhanu ni ya wuntlhanu ni timbiri xikari ka 70 wa malembe, mu wa zi mahela mina ke?

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Va le Roma 8:22

Hakuva ha zi tiva lezaku a zivangwa zontlhe za keta ni ku xaniseka hi kulunwa kala makunu. Jer. 12:11