Jeremia 12:1 - Tshwa Bible

¹ A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 12:1 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Ezra 9:15

Jehova Nungungulu wa ka Israeli, u lulamile, hakuva hi sele hina lava hi ponileko, kota lezi zi wonekako nyamutlha. Hina hi kwalaha, hi khizamile mahlweni ka wena ni zionho za hina, hakuva a ku na munhu a nga yimako mahlweni ka wena na hi hi ni zakunghahi.

Nehemia 9:33

Ahemba, ka zontlhe zi hi humeleko, wena u mahile nongameto, hakuva u mahile zinene, hina hi maha kubiha. Dan. 9:7, 14

Joba 12:6

Kasi a miti ya vaphangi ya vuvuma; Ni lava va vukelako Nungungulu va tshameka, Lava va welelako nungungulu wabye mandleni yabye.

Joba 13:3

Hizinene, nzi wa ta wulawula ka Nyamintamu, Nza xuva ku xuxisana na Nungungulu.

Joba 24:12

A mikosi ya vanhu yi zwala le mutini, Ni mihefemulo ya lava va tlhabyilweko yiba huwa; Kanilezi Nungungulu a nga khatali hi kubiha.

Joba 24:23

A va nyika wuponelo, va humula kona, A mahlo yakwe na ma languta a tindlela tabye.

Joba 8:17

A mitsu ya yena yi tsonzelene nhulwini ya maribye, Yi enghena xikari ka maribye.

Tisimu 116:5

Jehova ngwa tipswalo ni kululama, Nungungulu wa hina i na ni wuxinji.

Tisimu 119:137

Jehova, u lulamile, Ni kulamula ka wena ku nene. Deut. 32:4

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 145:17

Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 37:1

U nga zangari hi kota ya vakubiha; Ngha u ngave na timbilu ha vona lava va tirako leʼzo biha. Mav. 24:19; Mutsa. 7:10

Tisimu 37:35

Nzi wonile a wakubiha a nga hini ntamu wa hombe, A nga nava khwatsi hi sinya yo nyuka; 1 Sam. 25:2; Joba 20:5

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Tisimu 92:7

Loku a vakubiha va hluka khwatsi i byanyi, Ni loku a vahambunyeti va vuvuma, Zi mahiwa lezaku va lobyiswa kala kupinzuka.

Mavingu 1:32

Hakuva a vo kala kupima va ta hihiritwa kupengeni kabye, i kuvuvuma ka zipumbu ku ta va lovisa.

Mutshawuteli 8:14

Ku kona a kunganyawuli ku mahiwako laha misaveni; lezaku ku nani valulamileko lava va kumako nchachazelo lowu wu faneleko vakubiha, ku hi ni vakubiha va kumako a nchachazelo lowu wu faneleko valulamileko. Nzi lo wula lezaku lezi na zonawu a zi nyawuli.

Isaya 41:21

Tlhatihambutelani a timhaka ta nwina, ku wula Jehova; Humesani wumboni ga nwina, ku wula Hosi ya Jakobe.

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 12:6

Hakuva na vona vanakuloni ni yindlu ya raru wa wena va ku khohlisile; Va ku kulumela. U nga va kholwi hambu loku vo wulawula a magezu yo saseka.

Jeremia 3:20

Hizinene kota lezi a wasati a mahako wubhemba ngangweni wakwe, Hizalezo, yindlu ya ka Israeli, mu wa nga tsumbeki ka mina, ku wula Jehova.

Jeremia 3:7

Mina nzi wa alakanya nziku: Anzhako na mahile zontlhe lezi i ta wuya ka mina. Kanilezi a nga wuyangi. Makunu Juda, a makabye a nga tsumbekangiko, i lo zi wona.

Jeremia 32:16

Anzhako na nzi nyikile a papilo ga xavo ka Baruke a nʼwana Neria, nzi lo kombela ka Jehova, nziku:

Jeremia 5:11

Hakuva a yindlu ya Israeli ni yindlu ya ka Juda ti nzi khohlisile nguvu, ku wula Jehova.

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Mikosi 1:18

Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Danieli 9:14

Hikwalaho Jehova i rinzele a khombo legi, a gi wisa hehla ka hina; hakuva Jehova a Nungungulu wa hina i lulamile mitirweni yakwe yontlhe leyi a yi mahako, kanilezi a hi ingisangi a gezu gakwe.

Danieli 9:7

Hosi, a kululama ku le ka wena, kanilezi hina hi na ni tingana a nyamutlha lezi; hina vavanuna va ka Juda, ni vaaki va Jerusalema, ni vaIsraeli vontlhe, lava va nga kusuhi ni va nga le kule, xikari ka wontihe matiko lawa u va hangalasileko ka wona, hi kota ya zihambunyeto lezi va ku maheleko.

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Habakuka 1:4

Hakuva a nawo a wa ha hi na ntamu, a ka ha lamuliwi hi nongameto; hakuva a vakubiha va ranzela a valulamileko, hikwalaho a kulamula ku byeketwa.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Malaki 2:17

Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.