Jeremia 11:20 - Tshwa Bible

²⁰ Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 11:20 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Tihosi 19:14

Hezekia i lo amukela a papilo mandleni ya mitsumi a gi gonza; zonake i lo kanziha aya lomu ndlwini ya Jehova, a ya gi andlala mahlweni ka Jehova.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Joba 5:8

Loku ku wa hi mina nzi wa ta hlota Nungungulu, Nzi wa ta veka mhaka ya mina mahlweni ka Nungungulu;

Tisimu 139:23

Nungungulu, nzi hlole, u tiva mbilu ya mina; Nzi ringe, u tiva a maalakanyo ya mina.

Tisimu 35:2

Khoma a xitlhangu ni ngenge, U yima u nzi vuna.

Tisimu 43:1

Nungungulu, tsema mhaka ya mina, u nzi yimela Ka lixaka leli li nga hiko na wunene; Nzi hlangute ka vakhohlisi ni lava va nga lulamangiko.

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 58:10

A wakululama i ta tsaka hi ku wona a kuphotelwa; I ta hlaza mikonzo yakwe lomu nkhateni wa vakubiha.

Tisimu 7:10

A xitlhangu xa mina xi le ka Nungungulu, Loyi a lwelako lava va timbilu to lulama.

Tisimu 7:8

Jehova i lamula matiko; Tsema mhaka ya mina, Jehova, Khwatsi hi kululama ka mina ni nongameto wu nga ka mina.

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 12:3

O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.

Jeremia 15:15

O Jehova, wena wa zi tiva, Nzi alakanye, u nzi enzela; Nzi photele ka vaxanisi va mina. Timisela ha mina, u nga nzi susi; Tiva lezaku nzi rukiwa hi kota ya wena.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 17:18

Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.

Jeremia 20:12

Kanilezi Jehova wa tiyimpi, loyi u ringako a valulamileko, Loyi u wonako a tiswa ni timbilu; Nzi ta wona loku u nzi photela ka vona, Hakuva nzi ku tivisile a mhaka ya mina. 1 Sam. 16:7; Jer. 11:20

Mikosi 3:58

Hosi, u yimele a moya wa mina mhakeni ya wona, U tirule a wutomi ga mina.

Mikosi 3:59

Jehova, u wonile kuxanisiwa ka mina. Tsema a mhaka ya mina.

Mikosi 3:64

Jehova, u ta va nyika nchachazelo Maringano ni mitiro ya mandla yabye.

Ezekieli 11:5

Zonake a Moya wa Jehova wu lo wela hehla ka mina, wuku: Wula, uku: Jehova i ngalo: Mu wula lezo, nwina va yindlu ya ka Israeli; mina nza ma tiva a maalakanyo ya timbilu ta nwina.

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Va le Filipi 4:6

Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

2 Timote 4:14

Alexandro, a mufuli wa suku, i i nzi mahele makhombo yo tala; a Hosi yi ta mu tlhelisela kota mitiro yakwe. 2 Sam. 3:39; Tis. 28:4; Miti. 19:33; 1 Tim. 1:20

1 Pedro 2:23

laha a nga rukatelwa a nga rukatelangiwo; laha a nga xaniseka a nga dzuxangi, kanilezi i lo yisa mhaka yakwe ka loyi a lamulako hi nongameto. Mat. 27:39; Lu. 23:46; Joh. 8:48

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

1 Samueli 24:15

Jehova i tava mulamuli; i ta lamula xikari ka mina na wena! A nzi cuwuke, a tsanza mhaka ya mina, ni ku nzi ponisa lomu canjeni ga wena!