Jeremia 11:12 - Tshwa Bible

¹² Zonake a miti ya ka Juda ni vaaki va Jerusalema, va ta ya rila ka vanungungulu lava va nga va hisela libani, kanilezi cima, va nga ta va ponisa a sikwini ga khombo gabye.

Jeremia 11:12 Mawu Ofanana

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:7

Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.

Jeremia 18:15

Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 2:28

Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Deuteronome 32:37

Zonake i taku ngalo: Va kwihi vanungungulu vabye ke? Ni ribye gabye ga wuchavelo ke?

Deuteronome 32:38

Va kwihi a vanungungulu lava va ngaga mafura ya miphahlo yabye, Lava va nganwa a vinya ga minyikelo yabye? A va suke va mu hlanguta, A va mu vikele! Vala. 10:14

Valamuli 10:14

Fambani mu ya rila ka vanungungulu lavo mu va hlawulileko; a va mu hlangute xikhatini xa zikarato za nwina.