Jeremia 11:11 - Tshwa Bible

¹¹ Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 11:11 Mawu Ofanana

2 Tihosi 22:16

Nzi ta neha a khombo ka legi wutshamu ni hehla ka vanhu va gona, ti nga tona a timhaka tontlhe ta bhuku legi a hosi ya ka Juda yi gi gonzileko.

2 Kronekele 34:24

Jehova i ngalo: Nzi ta neha a hlomulo hehla ka wutshamu legi ni hehla ka vanhu va kona, yontlhe a nzhukano leyi yi tsalilweko lomu bhukwini legi va gi gonzileko mahlweni ka hosi ya ka Juda. Levi 26:14; Deut. 28:15

Joba 35:13

Hizinene, Nungungulu a ngazwi mikombelo ya hava, A wa Nyamintamu a nga ta yi khatalela.

Tisimu 18:41

Va loba huwa, kanilezi ku wa nga hi na mulweli, Va lo rila ka Jehova, kanilezi a nga va hlamulangi. Isa. 1:15; Joh. 9:31

Tisimu 66:18

Loku nzi wa alakanyile a kubiha lomu mbilwini ya mina, A Hosi ngha yi nga nzi zwangi. Joba 27:8; Isa. 59:2; Joh. 9:31

Mavingu 1:28

Zonake va ta vitana ka mina, kanilezi cima nzi nga ta hlamula; a ta nzi lava, kanilezi va nga ta nzi kuma. Jer. 11:11; Ezek. 8:18; Mik. 3:4

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Isaya 24:17

A kuchava, ni rinzi ni ziyo zi ku rinzele, wena muaki wa misava.

Jeremia 11:14

Hikwalaho u nga va kombeleli lava vanhu; u nga dzuki u tlakusa gezu ha vona hi mikombelo, hakuva nzi nga ta vazwa a xikhati va rilako ka mina hi kota ya khombo gabye.

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Jeremia 14:2

Juda wa rila, a miti yakwe yi mbhelile ntamu, Va tshama hasi na va ambele zilenda; A huwa ya zwala hi le Jerusalema.

Jeremia 15:2

Loku va ku wutisa, vaku: Xana hi taya kwihi ke? U ta va hlamula, uku: Jehova i ngalo: Lava va yimiselweko kufa, va taya kufeni; lava va yimiselweko supado, va taya supadweni: lava va yimiselweko ndlala, va taya ndlaleni; ni lava va yimiselweko a wukhumbi, va taya wukhumbini.

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 23:12

Hikwalaho a ndlela yabye yi tava ni matshamu ma retemukako munyameni, Va ta susumetiwa va wela kona. Nzi ta va nehela khombo a ka lembe ga kubiwa kabye, ku wu la Jehova.

Jeremia 25:35

A varisi va ta vumala ndlela yo pfowola ha yona, Ni vahombe va tlhambi va nga ta pona.

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Mikosi 2:22

U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.

Ezekieli 14:3

Nʼwana wa munhu, a vanhu lava a timbilu tabye va ti nyikele ka zifananiso zabye, va vekile a zikhunguvanyiso mahlweni kabye lexi xi va wisako kubiheni. Nzi nga vumela ku wutisiwa hi vona ke? Isa. 58:2; Ezek. 11:5

Ezekieli 7:5

Hosi Jehova i ngalo: Khombo! A khombo go tshisa gata!

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Amosi 5:19

Mu ta kota munhu a tsutsumako a nghala, a ya tlhangana ni urso; a enghena lomu ndlwini a ti hiketela khurisini hi canja gakwe, a nyoka yi mu luma.

Mika 3:4

Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11

Zakaria 7:13

Khwatsi hilezi va nga kala ku ingisa laha a nga vitana, hizalezo nzi nga ta ingisa loku va vitana, ku wula Jehova wa tiyimpi;

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22