Jeremia 10:6 - Tshwa Bible

⁶ A nga kona a fananako na wena, O Jehova; U wa hombe, a vito ge wena ga hombe hi ntamu.

Jeremia 10:6 Mawu Ofanana

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

Nehemia 4:14

Nzi lo cuwuka na nzi yimile, nziku ka manghanakana, ni ka vafumeli, ni ka vontlhe vanhu: Mu nga va chaveni! Alakanyani Hosi, loyi a nga wa hombe, a chavekako, mu lwela vanakuloni, a vana va nwina, ni vanhanyana va nwina, ni vasati va nwina, ni tiyindlu ta nwina! Mitse. 14:9; Deut. 1:21

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Tisimu 145:3

Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Tisimu 147:5

A Hosi ya hina nja hombe, yi na ni ntamu wa hombe; A wutlhari ga yona a gi na lipimo. Rom. 11:33

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 48:1

Jehova ngwa hombe, i fanelwe hi ku dumiswa nguvu, Lomu mutini wa Nungungulu wa hina, laha xitsungeni xakwe xo basa.

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 8:10

Faro aku: Manziko ni mixo. Mosi aku: A zive nghaho, kasi wena wa fela ku zi tiva lezaku a ku kona wo fanana na Jehova, Nungungulu wa hina.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 46:5

Mu ta nzi fananisa na mani, nzi ecana naye? Mu ta nzi ringanisa na mani, lezaku hi fanana ke?

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

Deuteronome 33:26

O Jexuruni! A nga kona wa ku fanana ni Nungungulu, Loyi a tako ku ta ku vuna na khilele matilo; A wukulu gakwe gi tlakusilwe le marefini,